［人性/有甜］- 屍•家•馬鞍山（隔日更新）: Chapter 487 - 對異生教的調查

「廢話連篇！」我憤怒地叫道，「妳都係間諜，妳緊係咁講㗎啦！」

「以為咁樣激我我就會加入妳哋呀？妳咪旨意！」我真的怒得想拿起那枝紅酒，狠狠的砸到她頭上來。

「阿 Roy 你唔使咁嬲嘅！」豈料 Clara 仍是一副不慌不忙的樣子，「有啲嘢唔使人講，你自己都應該 feel 倒啦！」

我就知道，素恩的身份不簡單，而且對我還是有著不少的隱瞞。

但我想，素恩絕不會背叛我吧！



「總之妳講素恩嘅嘢我唔會信，我淨係信自己嘅感覺！」我自信地答道。

「Okay... 你要咁諗我唔勉強你...」Clara 無奈地答道，「不過之後唔好同我講，我冇講過...」

雖然她說的有可能是事實，但我選擇了不去相信。

或者，我對自己的感覺有絕對信心吧！

「頭先你話有啲人自立門户，咁妳知唔知道啲人而家點？」我想再試探她一下。



「之後咪做咗異生教嘅幕後主持人囉！」Clara 答道，「不過奇怪嘅係，我哋完全冇呢個人嘅資料，就好似從來冇喺世上出現過咁...」

「冇出現過？」我深切地回想...

自然地，我把自己的遭遇身世聯想在一起。

異生教...

那個黑先生...



和我像迷一般死去的父母...

還是，我實在想得太多？

「之後異生教不斷招兵買馬，有好多人加入咗佢哋...」Clara 看我沒有回應，便繼續說道，「而你遇過嘅同伴，當中有好多都係佢哋嘅人...」

雖然感到驚訝，但可以的話，我會選擇不去知道。

「孝信、素恩...」可 Clara 沒有停下來的打算，「仲有 Daphney 阿 Keith...」

「夠喇，呢樣我唔想知！」我真的不想再聽下去。

因為我實在害怕，她把我所有認識的名字都說過一遍。

反正，她的所說我也不會盡信。



「哼！逃避現實...」Clara 不屑地答道，「總知你自己小心啲啦！」

「咁嗰個異生教嘅陰謀又係乜嘢？」我對此比較有興趣。

「表面上睇，佢哋係想要改變世界，建立一個所謂新人類、新秩序嘅新世界... 不過，佢哋個意念，就恕我不敢茍同...」Clara 回答道。

「佢哋根本就用開創新秩序為名，其實就係要殘殺大部份嘅人類，推翻現有制度，建立獨裁政權為實...」

「佢哋做嘅，根本就係反人類嘅行為...」Clara 說得咬牙切齒。

「咁妳講到異生教有咁大嘅陰謀，啲國家又會袖手旁觀嘅？」我覺得她說得實在太過誇張。

「你估啲國家冇做過嘢咩？」Clara 有點不滿，「我哋派出過間諜，但結果唔係犧牲咗，就係失咗蹤...」



「派特種部隊出動，結果都係有去冇回...」

「佢哋嘅行動真係好神秘，仲成日轉移陣地，好多時我哋收集倒情報，派部隊出發去目的地，去到嗰陣已經唔見晒人...」

「始終為免引起公眾嘅恐慌，我哋嘅行動都要低調咁進行。」

「一直到香港嘅喪屍事件爆發，各國投入嘅資源亦突然增多，主要係大家都對呢個病毒好有興趣...」

「不過亦係因為咁，大家又各懷鬼胎，所以行動仲比之前混亂咗，而且喺充滿怪物同喪屍嘅環境下，我哋啲犧牲又多咗...」

這使我不其然想起 Clara 的拍擋 James，和變成了怪物的 Jacky。

「同埋啲怪物好似比人控制住咁樣，每當喺重要關頭，都有大量嘅怪物出現阻頭阻勢。」

「結果搞咗一輪，犧牲左唔少嘅同伴，我哋對異生教嘅調查，都係冇乜進展...」



「照妳咁講，妳哋係要阻止異生教去將啲病毒散播啦！」我想把事情弄清楚，「咁喺貨輪上面，點解又要阻止我哋？」

「同埋妳哋講到自己咁正義，咁妳哋又點解釋，聽命於你哋嘅 "啫喱怪物" 呀？」我追問道。

「好簡單... 我哋見你同 Keith 一齊，以為你同佢係一夥，所以咪向你哋攻擊囉！」Clara 仍舊應答自如。

「至於，怪物嘅控制，同埋我哋點解得到怪物嘅力量，呢啲都要多得 Veronica...」Clara 續說。

「即係你哋口中嘅黎博士...」Clara 補充道。