［人性/有甜］- 屍•家•馬鞍山（隔日更新）: Chapter 687 - JoJo 的好友

雖然明知時間和地點完全不對，但這時的情緒跟氣氛，使我根本按捺不住。

我輕輕搭著 Vicky 的肩膀，以防她從我懷中溜走。

我的嘴再向 Vicky 探去，可是她卻沒有避開的打算。

於是我轉而輕輕地提著她的下巴，然後用嘴貼住她那柔軟的雙唇。

「嗯...」Vicky 亦沒有多說，只是配合地跟我迎合著。



我們一直深情地熱吻，但卻沒有進一步行動。

因為我知道，現在的時機不對。

不知怎的，我對這段感情特別在意。

是因為她在我心目中的特殊位置？還是有其他原因？

但無論如何，現在的我卻十分害怕稍有不慎，會破壞了我們現在那良好的關係。



所以，我只是點到即止...

「咳咳...」就在此時，門外傳來了一下刻意的咳嗽聲。

我們立刻停下了動作，更慶幸自己並沒有作出越軌的事。

「冇... 阻住你哋吖嘛？」站在門外的 JoJo，尷尬地向我們問道。

「哦？冇... 冇嘢...」我亦只好硬著頭皮答道。



「嗯...」JoJo 打量了我一下後，便滿臉通紅的向我說道，「冇... 我咁啱喺出面見到木玲，咪諗住介紹你哋識囉～」

她說話的語氣有點奇怪，使我立刻查看自己出了什麼問題。

原來，連我自己都不知道，在不知不覺間，我已經作出了生理反應。

但我在何時，會變得這樣敏感？

我不想她們對我有偏見，只好稍微移動一下坐姿，以作掩飾。

「你好，我叫木玲、Miki，係 JoJo 嘅朋友，好高興認識你哋...」剛剛跟隨 JoJo 進來的女子說道。

但聽她的口音，好像不是本地人...

「佢係半個日本人嚟，所以廣東話有些少口音...」JoJo 主動說明道，「不過佢係我嘅 best friend 嚟，你哋唔好諗住蝦佢...」



原來如此...

「我聽佢哋講，你係嚟救我哋嘅人喎～」Miki 有點興奮地問道，「係咪真㗎？」

「嗯... 妳都可以咁講嘅...」某程度上，我也是來救助他們的。

「你哋係警察？定係政府派嚟嘅人？」Miki 繼續追問。

我對她窮追不捨的追問，感到有點不自在。

「我哋個組織唔隸屬任何政府機構，目的係要幫助生還者離開呢度...」我答道，「由於我哋有其他任務要做，恕我唔方便透露我哋係乜嘢組織...」

我看得出，她們的眼神半信半疑...



「我只可以講，妳哋信我嘅話，我就幫妳哋走...」我補充，「不過大前提係，我哋要搵返失散嘅同伴先...」

「咁樣...」Miki 看來打算進一步追問。

「吖... 點都好啦！」JoJo 卻突然插口道，「等搜索隊返嚟之後，我哋再傾...」

很明顯，她們仍是對我們有所懷疑。

但這樣也好，我來這裏也不是要尋求別人的認同。

我的主要目的，只是把不便同行的小嵐安頓，順道休息一下。

若然這裡不是合適的地方，我們也只好繼續上路。

「其實，你哋喺出面，有冇去過馬鞍山健康院？」Miki 突然再次向我問道。



「Miki！」JoJo 又再開口喝止，然後又搖頭示意。

「但係...」Miki 還是欲言又止。

看來，Miki 急於知道那裡的情況。

「所有嘢，都係等 Andrew 佢哋返喺先再傾啦！」JoJo 還是堅決阻止。

Andrew... 看來是搜索隊的重要一員。

「仲好提佢哋！」Miki 看來有點不滿，「佢哋一直都冇行過去嗰邊！」

「咁佢哋一定有原因嘅...」JoJo 替他們辯護道，「我哋喺呢度，又唔會知出面有幾危險嘅～」



「妳緊係幫住妳男友㗎啦！」Miki 看來不肯罷休，「咁我爹哋點呀？」

Miki 的情緒突然變得激動。

「我已經冇咗媽咪喇！如果爹哋都...」此時的 Miki，已經哭得無法再說下去...