［人性/有甜］- 屍•家•馬鞍山（隔日更新）: Chapter 688 - 奇怪的女子

「我明白，不過...」JoJo 看來想開口安慰，但又不便在我們面前，透露她對我們的不信任。

「我之前去過一次...」我刻意向她說道，「不過... 我見唔倒有其他人喺嗰度...」

「吓？咁即係...」Miki 看似就要激動得暈倒。

「咁你又唔好咁失望先...」我想先行安慰她一下，「因為我喺嗰度，都見唔倒太多屍體...」

「不如妳話我知，妳爹哋有乜特徴？」我不想她感到絕望，「同埋，佢喺嗰度出現嘅原因...」



「Miki...」JoJo 看來又想阻止。

「我... 我爹哋係生物學博士，原本喺科技園一間生物科技公司做研究...」可是 Miki 並沒有理會她。

反而，再靠近我多一點後説道，「但係喺呢件事發生前大約一個月倒，佢就突然去咗馬鞍山健康院幫手。」

生物科技？

馬鞍山健康院？



兩者有什麼關係？

可是，那天我們又好像沒有發現什麼...

「馬鞍山健康院？嗰度好似同生物科技冇乜關係喎？」我感到疑惑，「無啦啦調去嗰度做乜？」

「我同媽咪都有同一個問題...」Miki 答道，「不過... 爹哋話我哋唔知咁多比較好，所以就冇答...」

那等於代表，有人一早已經知道喪屍事件的爆發，而一早着手準備研究？



難道又是異生教嗎？

「嗰日爹哋要通宵，我同媽咪就諗住喺新港城等佢放工食嘢...」Miki 說道，「點知就發生咗呢件事... 媽咪又...」

在馬鞍山健康院，為何需要通宵工作？

這令我感到有點引人入勝。

而 Miki 原本冷靜了一點的情緒，又再變得激動了起來。

「好啦！我應承妳，如果喺可行嘅情況下，我就去多一次馬鞍山健康院啦！」

我不想看著她哭哭啼啼，而且我也想前去打探一下，於是我只好先行答應她。

「真係㗎？一言為定！」Miki 興奮得主動地繞著我的手臂。



坐在我身旁的 Vicky，好像注意到 Miki 的行動。

這一刻，我只是想盡快脫身，以免 Vicky 因此而感到不快。

「嗯...」有點不知所措的我，只好輕聲回應。

為免 Vicky 有所誤會，我突然主動站起說話，好讓 Miki 的手從我手臂上甩開。

「弊！頭先趕得濟，唔記得問林牧師添～」其實，我只是想借機逃脫。

「要問乜嘢咁緊張呀？」Miki 看來有點不滿，但又不忘向我打探道，「唔講得㗎？」

「冇... 我打算問吓林牧師，可唔可以幫我哋訂婚咁啫...」我悠然地答道。



但此話一出，就連我自己亦感到驚訝。

究竟，是急於解圍，還是出於真心我才會這樣說？

「訂... 訂婚？」那邊廂的 Miki 面色一沉，然後不屑地指著 Vicky 問道，「同呢個女人呀？好嘥啫？」

這個女子，真的很有問題！

我們認識只有短短的十數分鐘，但已經向我投懷送抱。

這令我感到很不自在。

經驗告訴我，這人一定另有目的！

但是，相對以前那些刻意走近的人，Miki 的技巧也未免太過幼嫩了罷！



「妳講咩呀？」我決意為 Vicky 辯護，「佢喺我心目中係最好嘅！」

「妳冇權，咁樣話我女友！」我怒吼道。

房間頓時一片寂靜。

「對... 對唔住... 係我唔啱...」Miki 的態度突然一百八十度轉變，竟向我連番道歉，「係我亂講嘢，係我唔啱...」

「我諗，妳唔應該同我講...」我的怒氣稍消，但她應當道歉的對象，真的不是我。

「對唔住呀，Vicky 姐...」Miki 的道歉來得有點敷衍。

「嗯...」Vicky 亦只報以一笑。



「吖～ 阿 Roy 你又話想見林牧師嘅～」JoJo 主動解圍道，「我依家就帶你去啦！」

「Okay... 唔該曬妳...」說罷，我們亦動身出發...