［人性/有甜］- 屍•家•馬鞍山（隔日更新）: Chapter 712 - 無聊的挑釁者
我見阿君他們走近，便立即把被子蓋著 Vicky 的雙腳，以免被他們發現。
「喂，阿 Roy 哥你就正啦！一返到嚟就有女爭住仆埋嚟獻殷勤...」阿君一臉不屑地走過來說道，「不過大英雄而家要淪落到坐輪椅呀？」
「你入嚟有咩貴幹呀？」我沒有理會他的冷嘲熱諷，帶點不滿地說道，「如果冇乜嘢，你哋可以出返去㗎喇～」
只見他面色一沉後說道，「嘿嘿！睇你咁臭寸，即係冇乜嘢啦！等我睇過～」
我見他跟同伴使了個眼色，便隨即把我包圍。
忽然間，身後的二人把我按緊在輪椅上。
然後，面前的阿君往我小腿位置，狠狠地踢了一下。
「呀！停手呀！你哋做咩呀？」Vicky 見狀，立即驚慌大叫，但亦隨即被阿君的手下按住。
但其實，我沒有感到半點痛楚...
「呵呵～ 做乜呀？隻腳廢咗，無曬反應嗱？」阿君得意地問道。
他得意忘形地，準備好再次往我踢去。
這一次，我刻意把力量集中在小腿上。
「咯...」雙方的腳部觸碰雙撞，但隨即傳來了骨骼的破裂聲。
「嗚...」阿君痛得眼淚直流，可礙於面子關係，他卻硬著頭皮的強忍著痛楚。
他百感交集的看著我，卻被我報以一個陰沉的微笑。
無可奈何的他，完全無法想到下一步的行動。
「君哥...」身旁的手下亦意識到有點不妥，連忙關心一下阿君的情況。
「得！我冇嘢～」只見阿君咬緊牙根答道，「我哋出返去先，遲啲... 遲啲再嚟過...」
「喂！」我開口把他們喝停，「出去嗰陣，記得順手鎖門呀！」
「得得得... 冇... 冇問題...」阿君恭敬地答道，然後便帶著手下一同離開。
「不知所謂！」我向他們叫道。
「阿 Roy 你冇嘢吖嘛？」不知就裡的 Vicky，眉頭緊皺地問道。
「放心，我冇嘢...」我暗自竊喜，因為阿君的情況應該遠比我來得嚴重。
「點解佢會咁對你嘅？」Vicky 大感不解。
「其實我都唔太清楚...」我嘗試回想，確實也沒有他對我貿然出手的理由，「可能妒忌我啩～」
「妒忌？」她有點不明白，「無啦啦有乜要妒忌你呀？」
「唔知呢～」我猜想道，「可能我救咗 Marcus 返嚟，所以佢有啲不滿啩～」
「不過點都好啦！而家冇人阻住我哋，我哋可以慢慢休息吓...」說罷，我便趨前準備用力攀到她的床上。
「喂～ 你做咩呀？」Vicky 見狀便出手阻擋。
可是，我卻感覺不到太大的力量。
在她半推半就下，我還是爬到了她的身旁來。
「喂呀～ 你唔係整親㗎咩？」她質問道。
話說回來，我的腰也好像回復了些許感覺。
「係㗎～ 所以咪坐得唔耐，要上嚟休息吓囉～」我撒嬌般說道，「妳唔係由得個老公仔唔理呀嘛？」
「咩... 咩老公仔呀，唔知醜！」Vicky 笑罵著說，「人哋都冇應承過啲乜嘢...」
她紅著臉的說著，使我看得心癢難當。
再加上自剛才起還未得以解決的冗奮狀態，使我早已按捺不住，準備展開進一步的行動。
「咁我哋行返個周公之禮，咪正式結為夫妻囉～」我說著，雙手已經移到了她的身上。
「哼！口花花...」她仍是推搪著我道，「你咁多女性朋友，你捨得㗎嗱？」
我被她一言驚醒...
確實，我從來都沒有考慮過。
不！我也曾經想過這問題，只是...
只是我覺得這根本不是問題。
在這動盪的時代，一夫一妻制還有需要存在嗎？
強者如我，三妻四妾是否更加符合情理？
「做乜呀？都係唔捨得哩？」她看到我的猶豫，便立刻追問道。
「點會呢？」我卻沒有多說，隨即撲到她的身上，向她索吻...