［人性/有甜］- 屍•家•馬鞍山（隔日更新）: Chapter 713 - 林牧師的疑惑

「唔...」面對我突如其來的襲擊，Vicky 只能以雙手輕輕的推向我。

可這根本無法阻止我的狼吻，在她像徴式的反抗之後，雙手便給我輕輕的撥開。

「唔... 唔好啦！一陣有人入嚟呀...」Vicky 看來仍不放心。

「放心啦！我頭先咪已經叫咗阿君，臨出去之前鎖門囉～」我安撫著她道。

「但係...」她口頭上仍有點抗拒，但雙手卻已經軟垂了下來。



「咯咯咯...」事不湊巧，門外又再次傳來了敲門聲。

真的是...

「阿 Roy，有人敲門呀～ 睇吓邊個先啦～」我本不想理會，卻被 Vicky 再三推遲。

「Vicky... 我係林牧師呀～」外面的原來是林牧師，「我想幫妳檢查吓呀，請問方唔方便呀？」

看來，我已經無法繼續下去...



已經復原得七七八八的我，便慢慢的拐過去把門打開。

「咦，阿 Roy？」林牧師驚訝地四處張望，以確認所在的位置正確，「你... 冇事嗱？點解會喺呢度嘅？」

「呃...」我一時想不到該怎樣應答。

「林牧師，係我見倒阿 Roy 好番啲，所以先推拒過嚟探吓 Vicky 囉～」出現在林牧師身後的 JoJo 向他解釋道。

而跟她站在一起的，還有 Miki 等人...



「哦～ 我明白嘅...」林牧師面帶微笑地說道，「但係阿 Roy 你都好似復原得幾好，好似已經冇乜事...」

「係囉～ 頭先明明仲要坐輪椅㗎喎...」Miki 亦插口說道，「咁快就可以行得走得嗱？你做過啲乜呀？」

「冇...」我感到她話中帶刺，「其實我都要多謝妳，頭先幫我按摩吓啲手手腳腳咁，我先可能會咁快好番...」

「如果有機會，我都想妳再幫吓我...」我注視著 Miki 說道。

「好... 好呀...」Miki 只能尷尬地答道。

「阿 Roy，見倒你冇事真係好...」林牧師向我說道，「咁你而家可唔可以比我，入去睇吓 Vicky 嘅情況？」

「噢！冇問題...」我十分樂意幫忙，「你入嚟吖～」

「呃... 不如你出去等一陣先啦！」豈料林牧師卻出言拒絕，「JoJo 同我入去就可以㗎喇～」



可能，他是害怕我知道 Vicky 受傷的真實情況。

「林牧師唔怕喎～」我向他說明道，「我係佢男朋友，佢嘅情況我好清楚...」

「林牧師，你比阿 Roy 入嚟啦！」身後的 Vicky 亦幫忙說道，「佢已經知道咗我嘅情況㗎喇～」

得 Vicky 認可，林牧師亦隨即改讓 JoJo 在門外等候，而讓我跟著他一起內進。

「林牧師，你好呀...」Vicky 乖巧的跟他說道。

「妳好... Vicky 妳個傷口點呀？仲痛唔痛呀？」林牧師一邊問道，一邊埋首檢查她的傷勢。

「而家已經好好多喇～」Vicky 笑說道。



我注視著林牧師，生怕他會突然有什麼奇怪的舉動。

「喔！妳之前個傷口，已經開始埋口嗱？」林牧師覺得有點不可思議，「妳同阿 Roy 都復原得好快喎～」

他用疑惑的眼神打量著我們，好像有點不知所措...

「你哋... 究竟係乜嘢人？」他終於也戰戰兢兢地，把心底的疑問提出。

「林牧師你冷靜啲先，我哋係冇惡意嘅...」我先安撫著他說。

「我哋只不過係打咗啲抗體，所以對病毒有免疫...」我認真解釋道，「亦都因為咁，我哋會比其他人有更好嘅回復能力...」

林牧師打量著我，有點半信半疑...

「其實我唔係太在意你哋係咩人，因為我哋嘅大門，係為所有人而開嘅...」林牧師說道，「所以只要你哋唔傷害其他人，我依然會歡迎兩位留低...」



氣氛，頓時變得凝重...

「緊係啦林牧師！」Vicky 插口說道，「我哋冇惡意嘅，點會傷害其他人呢？」

「係囉！」我亦立刻和議道，「我仲諗住有樣重要嘅大事，要搵牧師幫幫手添～」

「好！冇事就好啦！我代合一堂再次歡迎你哋...」林牧師釋出善意道，「係呢，你有咩事需要我幫忙呀？」

「哦～ 其實我都唔知算唔算一個不情之請...」我說著有點尷尬，「我想你幫我哋，主持一個訂婚儀式...」