［人性/有甜］- 屍•家•馬鞍山（隔日更新）: Chapter 714 - 訂婚？結婚？

「訂婚？」林牧師看來有點遲疑。

我看著 Vicky，她好像比我還要在意林牧師的反應。

是的，我這樣做完全是為了令她安心...

「係... 唔知可唔可以幫我哋呢個忙呢？」我誠摯地問道。

「唔... 你哋係唔係基督徒？」林牧師問道。



「唔係...」我坦誠地答道。

「我哋一般只係會幫基督徒主持婚禮...」林牧師想了一會，便面有難色地答道，「不過，你哋又唔係...」

「我知我哋個要求係過份咗，但係我真係好有誠意㗎...」我趨前哀求道。

「你哋真係決定咗要結為夫婦？」林牧師認真地問道。

「係！」我們一致地答道。



「唔... 咁好啦...」林牧師說道，「不過既然你哋已經諗住結為夫婦，又何需再訂婚咁復雜呢？」

「......」我一時無法回答。

「如果你哋可以嘅話，我可以破例安排一場婚禮見證...」林牧師提議道，「不過你哋要知道，喺而家個情況下，呢個見證係未有法律效力嘅...」

「即係，若然我唔能夠喺社會回復正常之後，為你哋作出證明...」林牧師認真地解釋道，「喺法律上，你哋仲未係夫妻...」

我這才發覺，很多東西我都未有想過...



「你哋可以商量一下先，有決定再通知我...」林牧師再說道，「但係無論點都好，希望你哋可以應承我，唔好傷害呢度嘅任何一個人...」

看來，他對我們仍有戒心...

「冇問題，我由頭到尾都冇諗住傷害任何人...」我竭力令他放心，「所以，你唔洗擔心...」

「年輕人，我好希望你可以記住自己嘅承諾...」林牧師答道，「你哋休息下先，聽朝我哋再傾...」

說罷，林牧師便離開了房間...

房內，又再剩下我們二人。

一切回復平靜，但氣氛卻變得有點尷尬。

我是否，該向她說些什麼？



「Vicky... 妳... 會唔會？」我戰戰兢兢地問道。

「咩... 咩呀？」Vicky 裝作若無其事。

「妳...」我深呼吸一下後向她問道，「妳 O 唔 OK 呀？」

「吓？你... 你咁就算係向我求婚呀？」Vicky 看來有點不滿。

「我知我冇花同介指比倒妳，但係... 但係我真係好有誠意㗎...」我誠懇地說道，「妳... 妳比我照顧妳一世啦！好唔好？」

Vicky 害羞得低下頭，沒有回答...

「如果你真係認真㗎話，我只係希望你應承我一件事...」Vicky 慢慢地道出她的所想。



其實，我大概也估計得到，她想要的是什麼。

「你... 可唔可以同我一齊，離開呢度嘅一切，去一個冇其他人嘅地方，只係得我哋兩個人，一齊生活呀？」她問道。

果然，她依然十分堅持。

是的，在這一話題上，我們真的還沒有達成共識。

尤其是發現了秘密研究所和 Marcus 之後，我強烈的感覺到，真相已經在咫尺之間。

「其實我都好明白，大家追求嘅嘢都唔一樣...」Vicky 看來亦察覺得到答案，「我好開心你對我所做嘅一切，但係如果我哋諗法唔一致嘅話，我覺得大家都需要再多啲時間了解大家...」

氣氛，頓時變得深沉...

難道，真的訂婚結婚，不結就分？



不！我絕不想就此跟 Vicky 分開。

「Vicky...」我必須在事情變得複雜之前，作出補救，「自從呢件事發生之後，無論我、妳、同其他身邊嘅人，都已經付出咗太多...」

「妳叫我而家就放棄，我真係一時間未接受得到...」我續說，「但係我好想話妳知，我真係好鐘意妳...」

「而呢一刻，我感覺到，我已經好接近真相...」我執著她的手說道，「我應承妳，喺搵倒件事嘅真相，同清楚自己嘅身世之後，我就同妳一齊，搵一個冇人嘅地方，雙宿雙棲吖！」

聽到這裏，Vicky 已經眼泛淚光...