[突發][唔係蛋黃哥]大撚鑊_我一起身發現變左做粒蛋黃: （一）
是咁的，各位巴打絲打，我正面臨一個完全不能用科學解釋的情況。
「喂，細路，你新黎架？黎到都唔同大佬打聲招呼？」正在呼喝我的，不是甚麼人，也不是甚麼鬼，是一隻蛋！
可能你們會認為我是傻了，但我很清醒！而且我還記得我的名字！
我叫陳小明！是的，世界上跑得最快的小明！
但此刻不論我跑得多快，也沒有用，因為，我竟變了一粒蛋黃！
事情是這樣的！
我是陳小明，父母在我十八歲那年，只留下了少許的存款，便離開了這個世界。
那時，我替他們舉辨了喪禮，和買了一個放骨灰的位置，花了不少存款。
那時有親戚提出收留我，但始終是寄人籬下，所以我拒絕了。
幸好父母生前租住的私人單位，已預付了租金，我還可留在那裏大約半年時間。
只是，父母留下的存款，雖然還有大約二十萬左右，但我不想動一分一毫，感覺上，每當我用了一部分，我對他們的記憶便會退減一分。
所以，那時我毅然決定退學，投身於社會。
但可想言之，一個十八歲的黃毛小子，能做的工作十分有限。
在經歷了職場騙案，上司欺凌，自費訓練課程等等。
我父母的二十萬存款，只餘下大約三萬元左右。
而租約亦接近期滿，在走投無路下，我找了一份便利店的工作，而且選擇了夜晚時段。
一來人工比較高，二來我也沒有朋友，所以即使夜晚工作，也不影響到我。
之後，租約期滿，業主不斷催我交租。
若不交租，便把我趕出去。
但這裏租金昂貴，單是租金已要接近萬五元一個月，我根本負擔不起，只好另外找地方居住。
由於我工作的便利店位處於深水埗，所以我也盡量在深水埗找住所。
當我在深水埗四處查看附近的住所租金時，在西九龍中心附近，一個穿著西裝的大叔叫停了我。
「哥仔，你係咪搵地方住呀？」他看著我手上的地產宣傳單張，大慨他是業主或者經紀吧
「哦，係呀，搵緊D平租嘅地方，有浴室就得架啦，我一個人住唔駛大。」我看著他一身正裝，在這接近三十度的天氣，真替他感到辛苦。
「喂，哥仔，咁就岩啦！我手頭上面有個單位，三千蚊一個月包水電煤仲有獨立廁所同開放式廚房，依家簽仲免半年訂金，淨係交兩個月租金得啦，一年生約一年死約，你無問題嘅話即刻俾錢即刻可以搬上去架啦！」大叔這樣告訴我。
「三千蚊咁抵？仲要兩個月租金？咪住先，係邊嘅先？同埋……同埋我未有入息證明。」我心裏雖然高興，但也要問清楚才可以。
「哦，唔駛擔心，無入息證明都得！依家帶埋你上樓睇都得！間屋就係附近，不如即刻上去望望。」
「吓，真係？嗯……好啦，去睇下都無妨！」
於是，我跟著這位大叔走去這個單位。
但這大叔著實厲害，大熱天時，不僅一滴汗也沒有，而且行走速度十分之快。
「喂，喂，你行慢少少得嘛？好鬼熱呀！」我在後面叫喊著。
「呀，唔好意思，慣左行咁快，你知啦，做生意係要快架嘛，哈哈，不過行多兩步就係架啦！」他停了下來，等著我走過來。
然後我發現，在旁邊便是我工作的便利店。
「喂，你飲唔飲野呀？我請呀。」實在是太熱了，我實在需要冷氣來降一下溫。
「多謝，我……我唔飲啦。你買完就繼續行啦。」他站在店外對我說，不知怎的我看他好像有點厭惡的神情。
「等我涼多陣冷氣先啦，幾錢呀？我？我返夜更呀，係啦，你都轉過黎夜更啦！」碰巧這店員（阿強）是我認識的，便和他寒暄兩句。
「陳生先，唔好意思呀，我仲趕時間，麻煩你快少少好嘛！」那大叔在店外催促著我，臉色變得不太好看。
「知啦！喂，咁你今晚返唔返呀？咁算啦，下次你返夜更再傾啦！走先啦，要去睇房！」我對那大叔催促我頗感不滿，但也深明搵食艱難的道理，故我很快走了出去。
「得啦，唔駛催得我咁急嘅，今日真係好熱架！」我略帶不滿地道。
「唔好意思呀，我地每個月都要到數架，所以頭先心急左D，其實間房包埋冷氣，上到去都會有得透涼！」說完後，他便繼續引領著我了。
我和阿強道別時，只見他望向我的眼神有點奇怪，像是驚訝又像是害怕。
不管了，還是解決居住問題要緊。
還好，這唐樓距離我工作的便利店只相差一個街口，而且單位不算太高，位處於四樓。
他們門打開後，一陣奇怪的氣味直撲我的鼻子。
「咳咳！哇，咩味黎架？」我感到有點不適。
「哦，可能單位空置得太耐，等我開返冷氣同抽氣扇先！」說罷他便把開關打開了。
「唔，感覺真係好D呀，哇，個冷氣都幾夠凍喎！真係包晒水電煤？」我邊環視房間，邊提出疑問。
「哦，係包埋架，不過都提一提你，如果可以，一星期最好唔好開多過五日啦！」大叔這樣說著，不知怎的，我感到他的臉上閃過一絲古怪的神色。
「唓，又話包晒水電煤，夏天咁鬼熱好難唔開喎！」我是返夜更的，即是說，睡覺時間是早上至下午，這正是每天最熱的時間，不開冷氣不熱死才怪。
「哦，其實我都係提一提你者，如果你真係要開都無問題嘅，不過有問題就要你負責啦！」大叔臉上閃過詭異的笑容，可恨的是我沒有注意到。
「哦，得啦，我又唔係開足廿四小時，無咁易壞嘅！我睇過晒，都唔錯，所有野都無壞！」我以為他怕我弄壞了電器，在提醒我弄壞冷氣機要自費維修。
「如果你岩心水，不如簽返張合約啦，同埋租金業主規定只收現金。」只見大叔他不知從哪裏變了兩份合約出來。
「等多陣先啦，我再睇下先，咦，呢個雪櫃仔入面有盒雞蛋嘅？哇，臭嘅！唔怪得頭先入黎間屋一大陣味啦！」我掩著鼻子說。
「哦，可能係上手租戶留低，我幫你掉左佢啦！」說完後，他把雞蛋收進他的公事包裏，哇，這樣他的公事包還能要嗎？
「哇，你都幾勁喎，就咁收埋盒臭蛋落你公事包！」我瞪大雙眼，用不可思議的眼神看著他。
「哦，顧客至上嘛，總之你嘅問題我都樂意幫你解決！」不知道是否錯覺，我好像聽到，從他的公事包裏，好像有些嘴嚼聲音傳出，還隱約傳來救命的叫喊聲。
「陳生！陳生！你無野呀嘛？」大叔正在我面前揚了揚手。
「哦，我無事，無事呀！不過我無咁多現金係身，你介唔介意我簽完約再落去拎錢俾你！」算了，可能是我聽錯了吧。
「呀，咁唔係好岩規距喎，不如咁啦，陳生你唔介意嘅話，你將身分證交低俾我。然後落去拎錢上黎，我係度等你，咁好唔好？」大叔這樣提議道。
「咁呀，身分證……」我也不知自己在猶豫著甚麼。
「其實我都係保障返自己者，陣間你唔返黎咁我咪唔知等到幾時。」大叔這樣解釋著。
「嗯，都係嘅。好啦，呢張我身分證，我依家落去拎錢，你等我一陣啦！」我把身分證交了給他。
「無問題，我係度等你！」他笑著說。
就在我下樓後，那大叔把我的身分證放到公事包裏。
只見那公事包又發出嘴嚼的聲音，那公事包說話了：
「陳小明，男性，十九歲，1997年4月1日出世，資料儲存完畢！」
然後那公事包把我的身分證吐了出來。
「四月一日，愚人節嗎？好快你就知道，將會係你身上面發生嘅，唔係惡作劇咁簡單！」那大叔拿著我的身份證笑著說。
然後我便跑到樓下地鐵站，在櫃員機提款。
我完全沒有想到，他可以先跟我一起下來，然後再簽約也不遲。
事後回想起來，其實整件事存在著很多古怪的地方，只要當時我能注意到其中一點，便不會發生之後的事情了！