[突發][唔係蛋黃哥]大撚鑊_我一起身發現變左做粒蛋黃: （十三）
我看著電話在閃動著，總算鼓起勇氣接聽了這個電話。
「喂？」我說。
「喂，陳生呀？我係租間屋俾你果個經紀呀！唔好意思呀，業主果邊有少少問題，我想上黎同你傾下呀！我依家可以過黎嘛？」王馬門說。
「我……我岩岩先起身！咁啦，你二十分鐘之後上黎啦！」不等他回應，我便掛斷了電話！
我馬上把那些白色粉末放到密實袋中，然後把它平放在床底下，不知道為甚麼，我就是不想讓王馬門發現它！
我趕緊洗好澡，把身上的白點都徹底洗走了，然後，又把櫃子搬回原位，裝作沒有任何事發生似的！
靜靜的等待王馬門的到來！
在等待期間，我發現宇珊剛剛有傳訊息給我，我立刻鬆了一口氣，至少證明了她沒有再次失去記憶！
然後，我聽到了響亮的敲門聲。
「陳生，我係王經紀呀，麻煩你開一開門呀！」來了，原本還想跟于珊商量一下，但看來沒有時間了。
「好，我依家黎開門！」我慢慢的把門打開，想像著門外會不會有農陷阱等待著我。
然後，只見身穿一身西裝的王馬門站在外面，看起來不像有任何陷阱！
「陳生，呀，真係唔好意思，呢個時間打攪你！但業主佢Call得我好急，所以先趕過黎！」他邊說邊走了進來。
「哦，唔緊要，唔知咁急咩事呢？」我警戒性地看著他，深怕他會突然拿出甚麼把我弄暈，之後再帶走我，令我從此被消失在這世界上。
「哦，係呀！呢度住得慣唔慣呀？」他問。
「呢度？幾好呀，又平租，冷氣又夠勁！唔錯呀！」我猜不透他問題的用意！
「呀，咁樣呀，真係有D難開口添！」他尷尬地說。
「有咩不妨直接D講喎！」我看著他，等待著他的說話。
「既然你都咁講，好啦！其實業主岩岩聯絡我，話佢想收返個單位，但佢都知道你簽晒約嘅，所以想同你傾下！佢可以安排你搬去佢第二間屋度，租金呀，條款呀全部不變！保證舒服過呢度多多聲！而且更承諾可以係未來五年以相同租金續租！希望你可以幫下手，搬離呢度！」他說。
「吓？有無咁荀呀？搬去邊先？」我問。
「奧海城帝峰皇殿！」他說。
「吓？唔係卦？果度豪宅黎喎？三千蚊包晒所有野？你呃鬼呀？
」我說。
「真係無呃你，業主話你只要肯應承，一定安排到你滿意為止！」他誠懇地說。
「阿婆走得快，一定有古怪！阿叔肯低頭，一定有野愁！有邊個業主會咁順攤幫我地呢D蟻民架，肯定有野啦！呢個時間走上黎同我講叫我搬？唔通……我查緊呢度嘅事俾佢地知道左？但……點解唔令我被消失呢？同埋，咁急叫我搬，呢間屋肯定有古怪啦！唔通D白色野係重點？」我心中不斷思考著，究竟形勢正向哪一邊倒過去呢？應該是我這邊吧！但……豪宅……真的很吸引啊！
「點呀陳生？你放心喎，所有野我都安排好晒，約都帶埋黎！只要你OK，即刻簽約，你就可以搬過去果邊！我地仲會Call Uber黎接你走！」他大慨看見我沒有回應，所以拿出合約，希望我盡快決定！
「咪住先，你當我膽小又好咩都好啦！我之前已經俾人呃過好幾次，所以都好熟呢D手法！我當然唔係話王生你呃我啦，但係咁荀嘅提議，真係令人不得不懷疑！所以……唔好意思啦！」我說，然後只見他的臉色變得非常不好，雖然只有大約一秒，但那憤怒的神情，我不可能看走了眼。
「哈哈，明嘅明嘅！不過都係果句啦，業主佢就拜託我一定要收返個單位！業主都講過有機會你會唔信，不如咁啦，呢度有十萬蚊！當係我地賠償俾你，你一應承左，唔駛簽約唔駛做任何野，只要將你份約消毁佢，就可以拎走呢十萬蚊，然後你即刻搬離呢個地方，咁從此以後就無拖無欠！」他從公事包裏拿出了一大疊鈔票放在我眼前，實在十分吸引。
「咁……咁……」我開始猶豫了。
「唔好諗咁多啦，呢個賠償對你黎講，絕對係好吸引架啦！最多咁啦，如果你今日搬走嘅話，我私人再幫你Book一個星期酒店，等你慢慢搵屋啦！」他說。
內心的魔鬼與天使正在掙扎著，其實想深一層，如果真的有錢收，又有地方住，實在是一個非常吸引的提議！
而且，最重要的，搬離這裏後，應該可以遠離那些怪事吧！
好，我決定了！
「好，咁就即刻……」我還沒有把話說完，手機傳來收到訊息的聲音。
「唔好意思，可能老闆搵我，我睇睇先！」我對王馬門說。
到底是誰啊，在這種關鍵時刻傳訊息給我！
我看了看，是于珊傳來的！
「小明，我記起啦！我真係記起啦！我真係有個細佬，果陣我係孤兒院，俾英國呢對夫婦收養左，但細佬佢就俾另一家人接走左！直到兩年前，我地先係某個活動中相遇，認返對方！我地知道對方生活得好好，都覺得好開心！之後我地成日都有聯絡，同對方傾計，想禰補返失去左果十年時間！但半年前，收養細佬果家人，因為生意失敗，燒炭自殺！留低細佬一個，果陣我有講過接佢黎英國，但佢唔想靠我同我義父義母，所以辛辛苦苦咁，都要係香港生活！之後佢努力做野還債，搬左去深水埗住！佢話過多半年左右，佢就還晒所有債，到時就可以正常咁生活，請我黎香港玩！我聽到真係好開心！但估唔到佢會突然唔見左！而我仲衰，居然會唔記得左佢！你醒返之後就搵我啦，我一定要幫到我細佬！多謝你喚醒返我嘅記憶！」
看完這一大段文字後，我把于珊弟弟的事和自己重疊起來！
都是家道中落，都是孤身一人！
但于珊和她弟弟，跟我不一樣，他們仍擁有對方，他們應該能夠比現在幸福的！
卻因為某種力量，而令姊弟分離！
這種事，我不想再看見了！
「陳生呀？你係咪決定好呢？係就收左筆錢佢啦，你拎返份約出黎撕爛佢就得架啦！陣間同你去Book酒店呀！」王馬門笑著對我說。
「係！我決定好啦！我唔搬啦，既然我簽晒約，我就會係度住，我仲會住足一年！夠時間我會俾租金你架啦！」我對他說，然後作出送客的手勢。
「陳生！你知唔知自已拒絕緊最後一個機會呀！」王馬門的怒火也按捺不住了，聲音變得有點嘶啞的對我說。
「唔駛講咁多啦！我已經決定左！」我已立定決心，就算現在有個祼女在我面前，也改變不了我的決定。
「好呀！既然連祼女都改變唔到你嘅決定！咁我都唔再阻你啦！我祝你係度住得舒適，有命離開呀！」王馬門說完狠話後，便離開了這房間了！
奇怪，為甚麼他會知道我正在想著祼女也阻止不了我呢？
算了，還是先聯絡于珊吧！
「喂！于珊！你記返起啦？好！好！好！有呀！得，我同我老闆講聲，請埋呢兩日假先！呀，仲有，頭先王馬門上左黎！係！好啦，我未食飯呀？我去開茶餐廳食囉！咁好啦，陣間見！」
我把那袋白色粉末拿了出來，然後走向茶餐廳。