[愛情無限loop] 就係咁，我做左女神一年既備胎: ４５　1＋1＝2？

錯左既野就無得返轉頭，我係部電話前亂叫都無用，但係無奈既感覺依然係度，我再入GROUP 睇睇，已經見到佢地圍繞緊去呂晨屋企既話題而討論緊。

艾倫：估唔到牛兄先係高手
東尼：牛兄真係勁
呂晨：咁我要搵人幫我買野去我屋企喔～

點解我有個感覺變左做眾矢之的咁……就係呢個時候，我收到金姐sd 比我既msg。

金姐：你真係問左呂晨佢可唔可以去佢到打邊爐？
我：緊係無啦，佢sd msg比我果陣，我講笑咁講，點知佢sd 出group……


金姐：嚇得我，仲以為你轉target
我：咩轉target？
金姐：你追緊阿琪架嘛
我：下！？你邊度聽返黎？
金姐：駛鬼聽咩，見你成日同阿琪出雙入對就知啦
我：……有咩
金姐：我睇好你架，但係你要小心其他人
我：其他人？你指呂晨同佢班狗公？
金姐：果d當然要小心啦，但係你最要小心果個，應該係阿富
我：點解係佢？佢有女朋友拿wo


金姐：小朋友你太天真了
金姐：愛情呢d野唔係1＋1＝2咁簡單架

就係我同金姐吹緊水之際，group入面已經定好左真係去呂晨度打邊爐，而幫手買野既人都已有人選，成員有：

呂晨、艾倫、東尼、阿富、阿琪、阿牛、JUDY……咦！？等等，點解有我份既？係果group度問下先得。

我：點解有我份既？
呂晨：你話要去人地度既～所以你要幫手先乖乖架～
阿琪：多個人幫手會好d


我：ok

我好似……無啦啦被啦入緊一個卞旋蝸入面咁，下意識未到買打果日，我已經感覺到危險處處。就連好似今日同阿琪行超級市場買野，我都好心不在焉。

「你今日做咩事啊？」行係我前面既阿琪轉個頭問我。

「無野啊。」我答佢。

「唔講就算。」咦，點解佢好似有少少發脾氣咁既。

「我諗緊買打邊爐野果日姐。」我答佢。

阿琪好似知道我擔心買野果日唔知有咩事發生，所以話：「唔好諗咁多啦，到果日先算，更何況果日有我同JUDY係度，有咩事有我地幫手嘛。」

「咁又係。」我微笑一下講：「果日仲有阿富係度，應該無問題。」



「唉……」今次到阿琪嘆氣。

「咩事？」我問。

「我覺得阿富有d唔妥。」阿琪唔係幾開心咁話：「佢呢排成日搵我，一經過我樓下就玩買左野食比我……」

「咁幾好啊，佢咁好人。」我答，但唔知點解內心有一種酸溜既感覺。

「好咩？佢成日咁樣做，我想拒絕佢又唔知點講，我話唔駛佢會一直話呢d野係比我，講到我收為止，我都唔知佢點解會咁。」阿琪話。

「妳覺得好煩？」我問。

「有少少，但最大問題係佢有女朋友，而我又唔係佢女朋友，佢點解要咁做。」阿琪一路講一路露出煩惱既樣，「唔理，到時先算。」



「嗯……」我點左點頭，睇黎煩既唔止我一個人，「到時先算。」