日子好快就去到買材料既日子,我地定左打邊爐前一日買少少,然後就當日再買D新鮮食材……唔好問我點解唔即日買,呢個IDEA係呂晨同果兩個狗公諗出黎,我都阿琪都不停問點解唔即日買。

我地約左去一個街市等,同平時一約,我所有約會一定會早到,但今日估唔到最早到果個人唔係我,而係阿富。

「早晨。」我地約既時間係十一點左右,阿富一見到我就講。

「早晨。」我禮貌性咁同佢講:「其他人呢?」

「未到啊。」佢答我:「剛剛我都問左佢地,但無人覆。」



「你係GROUP度問?但係我唔見你SD過野既?」我問佢。

「無啊,我就咁SD MSG。」佢答。

然後我睇一睇部機,佢都無SD過MSG比我,但係阿琪就SD左句野比我話:盪失路(喊笑

我見到佢咁就話:「阿琪又盪失路。」但估唔到我講完呢句後,阿富就即刻SD MSG比阿琪,以後同我講:「我去接一接佢。」

但佢都未行,我又收到阿琪個MSG。



阿琪:阿富知道我盪失路既?
我:我同佢到左,然後我話左佢聽
阿琪:死火,佢話黎接我
我:唔好咩?
阿琪:緊係唔好啦,你幫我捉住佢叫佢唔好黎

我份人不嬲都好直接……除左對住阿琪……我拍一拍阿富,同佢話:「唔駛啦,佢問路就識黎,再唔識佢就會再打黎求救。」

阿富見我咁講,唯有打消左個念頭,然後望住部電話講:「唔識黎又唔同我講,又唔覆MSG。」



我望住阿富一臉緊張既表情,再諗返金姐同阿琪先前講過既野,開始發覺阿富有D唔對路,我唔覺意睇左阿富既電話,原來佢開左佢同阿琪既對話,眼尾見大部份都係……應該話住部都只得阿富既MSG。

然後,我收到阿琪既MSG。

阿琪:佢又無走到
我:無啦,我叫停左佢
阿琪:好彩姐
我:咁妳識唔識黎
阿琪:唔識啊(喊笑)
阿琪:而家叫你黎接我,阿富一定知係我叫你
我:係架
阿琪:咁點算(喊笑)
我:搵JUDY
阿琪:係WO



「你同阿琪SD緊MSG?」就係我同阿琪SD 緊MSG之際,阿富問我。

講真,佢咁樣問我都嚇一嚇,唔知點解有種小朋友要出貓唔可以比大人知既感覺。

「係啊,我叫佢搵JUDY,而家有JUDY同佢一齊,你唔駛擔心啦。」我答佢。

但佢露出左一副耐人尋味既樣答我:「好啦。」

嘩……未打邊爐已經咁,打邊爐果下仲得了既。