時間7點15分,尖沙咀海旁,所有人都已經準備好,而阿琪今日都特登黎左,能蟹見到阿琪黎左,就同我講:「硬頸牛,你條女到左WO。」

「咩啊……唔係啊……」我無奈地望住佢,雖然我好想阿琪係我女朋友,但而家仲未係。

而老牛大人見到我地咬耳仔,就行左過黎問:「你地講緊D咩野啊?」

能蟹佢想話比老牛大人聽阿琪既野,但比我重重地打左一拳一粒聲都講唔到。

時間,7點23分,我地既望角JUDY出現。



「目標出現,大家準備就緒。」我地食用手提電話加HANDFREE黎做聯系,能蟹既一聲令下,所有人埋位準備。

個計劃係COW同JUDY會係海旁行一陣,行到中途就會到我地快閃既地點,果度已經請晒舞者同準備好晒花同戒子,仲有好多汽球等等既花巧野。

而佢地兩個每接近目的地一步,我個心都好要跳出黎一樣。

「COW,你而家心情點?」老牛大人,佢而家同緊JUDY一齊行緊街,點答到你啊,我遠望住佢地兩個,見到佢地好似對話緊。

但,點解佢地既表情……係咁既……



行到文化中心外面,一隊LIVE BAND 唱唱下歌突然停左,一男一女行左出黎,企左係COW同JUDY面前,跳起舞黎。

然後,一對小童加入左舞團,慢慢身邊既路人散開,除左都係舞者既人一個一個行出黎跳舞外,最觸目既,係企左係中間既COW同JUDY。

但點解,見到佢地對話既表情……

LIVE BAND既結他手撥一撥手中既結他所有舞者更加起勁地跳舞,「喂,到我地去拿。」計劃中,我、能蟹同老牛大人都會參與一齊跳舞,我跑左上去,望住仲對話緊既佢地兩個,表情,雙方都好暴燥。

唔知係我聽力特別好,定係所有人都只掛住專心跳舞,點解好似得我一個人係咁樣,愈接近佢地,就愈聽到佢地嘈緊D咩。



「係啊!我頭先係去左佢度啊!咁又點啊!」JUDY話。

「咁又點!?係!我又可以點姐?我咩都唔係!我唔可以點啊係未啊!!!」COW話。

唔係掛,你地係呢個時候講D咁既野?

LIVE BAND演奏出計劃最高潮部分既歌,齊歡唱一奏出,所有人都唱住首歌,其實,都幾好笑下。

但係,我同阿琪就笑唔出,因為,我地望住仲嘈緊既COW同JUDY。

計劃係唱緊呢首歌既時候,一個人會拎住花同戒子,交比COW,而COW就下跪向JUDY求婚,但係,所有人好似唔知佢地嘈緊,跳得熱烈,唱得高興,果位拎住花同戒子既人,好快就行到COW同JUDY既面前。

預定結局,係COW拎住花同戒子下跪,JUDY感動講出I DO兩個字,COW為佢戴上戒子。

但係,事與願違,應該係,一早知道係失敗既結果,但無諗到,係咁樣失敗。



花被一個人扔落地下,戒子係JUDY面前,不過唔係幫佢戴上,而係比一個人狠狠地扔左落海。

而扔花落地同扔戒子落海既人,係同一個人,係COW。

手一揮,戒子閃爍劃過既一跳弧線餘光,好似帶住COW既決意以及灑脫。

「係要用好大勇氣,因為佢地要先否缺自己,然後先可以灑脫地放下一件事」老牛大人呢一句又係我腦海中出現。

我呆左,阿琪呆左,能蟹呆左,老牛大人呆左,在場既所有舞者都呆左,最重要既係,JUDY呆左咁望住COW。

而COW佢慢慢行到JUDY面前,佢眼角既眼決比佢而家既氣焰所蒸發,故起勇氣既佢講出以下呢一句:「我而家只係想做返自己。」然後,轉身離去。

JUDY望住遠去既COW,跌坐在係地上,眼淚流下,慢慢失聲痛哭。



「JUDY!」阿琪衝左過去攬住佢,佢喊得仲厲害,而現在,所有人都不知所惜,我唯有將仲不在狀況內既能蟹叫醒,走向已經嘆息不已既老牛大人面前,叫佢地兩個同我一齊請D舞者離開。

那束花,靜靜咁訓左係喊得好慘既JUDY身邊,本身,束花應該係可以好幸福咁係佢手上面比佢拎住架……而戒子仲慘,佢而家沉睡係維多利亞港,自己一個人冷清清。

時間,7點45分,JUDY佢,喊到失晒控,而我同阿琪對望左一眼,唔通,我地低估左我地兩個既計劃對佢既傷害?