我未見過JUDY喊成咁既樣,我無諗到原來COW唔同佢求婚,佢會喊到咁。

阿琪攬住JUDY都好一陣,佢不停咁向我打求救信號,但我都唔知有咩可以幫到佢,但係而家係條街喊成咁,而且頭先又玩完快閃,好多人都望住我地,所以我話:「不如我地搵個地方食野坐低傾好唔好?」

我無等佢地既回答,就扶起佢地兩個,而能蟹同老牛大人就因為幫我手叫其他人走,一早就唔知佢地去左邊,只好我同JUDY傾下。

我地去左一間茶餐廳,JUDY仲喊緊,但係無頭先咁失控,而阿琪就不停係旁邊安撫住佢,喊到咁上下,JUDY就問:「點解你地兩個會同COW一齊既?」

我直接答佢,因為我唔想呃叱呢一位朋友,「因為,呢一次求婚我有份幫手。」



JUDY聽到後只係點一點頭,好似接受呢一個答案一樣,而阿琪就話:「唔好咁啦,COW都係一時諗唔開先會走左去姐,佢好快會返黎搵返妳架拿,佢一見到妳為佢喊成咁,一定好心疼。」

「我唔係為左佢而喊到咁WO。」JUDY呢一句說話,令我同阿琪一齊,「下!?」

呢一下「下」,令JUDY好出奇咁望住我地問:「你地係咩野反應啊?好出奇咩?」

我同阿琪都無奈地住佢,而我問:「咁妳搞咩喊到咁?」

JUDY聽到我咁問後,佢又開始喊,就邊喊邊話:「我今日本來諗住去搵條仆街架!」



「仆街?」阿琪問,阿琪就連講粗口都咁好聽。

「係啊,果日你地食野都見到架。」JUDY話,然我諗返起果次食野撞破佢同果個男,「果個男人啊?」

「係啊,我諗住今晚上佢度,比個驚喜佢嚇下佢,點知我一上到去,就見到仍同另一個女人搞緊野啊!」JUDY好嬲咁話:「我一開度房門!就見到佢後入緊條女啊!我地三個對望!仆佢個街佢地竟然無話停!跟住個仆街仲好冷靜同我講:『上左黎啊?』,我一聽到呢句後!嬲到我即刻走啦!點知我走果陣佢仲叫我:『幫我關門,唔該。』,佢真係一個仆街黎架!」

我明白點解COW本身收到JUDY話唔黎,而無啦啦JUDY又黎,原來係咁。

但點解,仍所經歷既野,咁似曾相識既?啊~呂晨都好似試過咁架。



阿琪聽到JUDY既說話後,停止左安撫佢,然後問:「咁妳頭先喊,就係因為條仆街既事?」

「係啊。」JUDY好理所當然咁話。

「咁COW做既野妳一D感動都無咩?」阿琪又問。

而JUDY諗左一諗後答:「都有既,但係都係仲未想。」

「妳好彩係咁答,如果妳話無感覺,我一定打巴妳。」估唔到阿琪會講出呢d說話,而JUDY聽到阿琪咁講都呆一呆。

而我都有少少火火地咁問JUDY:「點解妳要選擇一個傷害妳令到妳喊既人,都唔記選擇一個感動妳令妳流淚既人?」

JUDY望一望我同阿琪,然後話:「你地兩個搞咩啊?我而家已經好唔開心啦,你地仲……」「阿牛,我地走,唔好理佢。」阿琪無等JUDY講完佢想講既野,就拉我走左。

走出茶餐廳,我跟住阿琪身後問佢:「妳無事嘛?」



阿琪哽咽地話:「點解?點解佢唔明白我地既苦心?」

呢一晚本來係一個開心既晚上,但係,最後搞到咁……