同阿琪一齊坐巴士返去,一路上,阿琪無出過一粒聲,而我亦都好靜咁係佢旁邊坐住,電話一開始不停咁響,我拎左出黎校震機,然後,我見到JUDY SD MSG係我地三舍既GROUP入面。

JUDY:你地做咩
JUDY:究竟發生咩野事
JUDY:我做錯左D咩
JUDY:點解今日會咁
JUDY:一個我好愛既男人傷害左我
JUDY:一個好我愛既男人選擇放棄我
JUDY:而家連你地兩個都唔理我
JUDY:你地想我點



我睇完D MSG就將電話放返份褲袋,而阿琪就問我:「係未JUDY?」

我答佢:「嗯。」然後,又回復返靜寂既狀態。

香港夜晚既街景好靚,但係今日我同阿琪都無心情欣賞,因為,我地決定左暫時唔理呢一位好朋友,因為,計劃所在,我地只好忍心咁唔理佢。

提左幾次我同阿琪既計劃,究竟係D咩?咁就要講返果晚。

「你想COW同JUDY分手?」我好記得果晚既阿琪用一副詫異既表情望住我,「你覺得JUDY唔值我COW等啊?」



我望住咁既一琪,笑左笑:「唔係,我知係希望佢地可以好好看清呢件事,所以,要將佢地抽出狀況外。」

「抽出狀況外?」阿琪不解咁望住我,而我就答佢:「而COW當晒能蟹仔同老牛大人係愛情專家咁,一日到黑都掛住叫仍地兩個幫佢諗計哄JUDY,但呢個世界上,又點會穴係有愛情專家可以幫到人WO。」

阿琪一路點頭一路聽我講,「有時所謂既愛情專家,又或者果D自稱既愛情專家,到真係自己面對愛情既問題時,都會束手無策,係因為仍地都唔知道點樣解決,愛情無得用合理既程式計算,所以點可能會有專家可以解決到所有愛情既問題。」

阿琪可能明白我既諗法,「而最清楚每對戀人感情問題既人,往往都係果D旁觀姐。」

「無錯。」睇黎阿琪真係知我想點:「所以我想COW同JUDY各變為旁觀者,咁樣佢地可以真正了解到佢地兩個之間既問題所在。」



阿琪聽到呢度,沉思左一陣,然後問我:「但如果到時COW唔鐘意JUDY的話……」

「咁就要睇下COW有幾咁深愛JUDY。」我自信咁話。

而家諗返起果晚,果晚自信既我,係未動搖緊?我望住窗既倒影,見到阿琪一臉倦容。

「休息下啦,妳都累拿。」我話,然後阿琪將碘靠到我膀碘上面,而我就靜靜咁等待巴士到站。