[愛情無限loop] 就係咁，我做左女神一年既備胎: １２６　機場的暫別

大家唔好諗得咁美好住，世事豈能盡如人意，ＣＯＷ無同返ＪＵＤＹ一齊，不過只係暫時，因為ＣＯＷ講過，佢想做返自己想做既野先，叫ＪＵＤＹ比佢放下假，時間唔多，三個月左右。

ＪＵＤＹ聽到佢咁講後都答應左，然後，ＣＯＷ就請左大假，買左好多地方既機票去旅行，佢出發前同我講，佢唔係唔想同ＪＵＤＹ去旅行，而係佢一直以黎，都想試下自己一個人走出香港，放眼世界。

係佢坐飛機去第一個目的地果日，我、阿琪、ＪＵＤＹ都係機場送佢。

「你記住去到一個新既地方都要話我知啊。」ＪＵＤＹ話。

「一定會架，我每去到一個地方，都會寄張明信片比妳。」ＣＯＷ話。



「你知道我屋企地址咩？」ＪＵＤＹ笑住咁問左一個明知故問既問題，而阿ＣＯＷ就答佢：「我點會唔知妳個地址ＷＯ。」ＣＯＷ珍而重之咁摸一摸ＪＵＤＹ塊面，「妳既一切，我都瞭如指掌。」

ＪＵＤＹ佢笑得好甜，然後佢又話：「唔準溝女架。」

而ＣＯＷ就笑左笑話：「可能係我比女溝呢。」

「憑你……你就想。」ＪＵＤＹ笑住打左佢一下，「唔避拿，唔擋拿，肯比我打拿。」

ＣＯＷ好認真咁望住ＪＵＤＹ話：「以後只要妳仲肯打我，我會欣然接受，不過唔好咁大力，我會還拖。」



「你敢！」ＪＵＤＹ好大力咁扭住ＣＯＷ既耳仔，然後ＣＯＷ就露出痛苦萬分既表情，但睇得出，佢內心係甜到一個點。

「你地兩個夠拿，知你地兩個恩愛拿，可唔可以放少陣閃啊。」我話，而係我旁邊既阿琪都點頭同意。

「你地兩個都可以架。」估唔到ＪＵＤＹ突然放一下冷箭過黎，整到我同阿琪都好尷尬。

同佢地步行到入匣既地點，又係一場依依不捨既戲份。

「我走拿。」ＣＯＷ一臉傻更更咁講，佢仲係當初既ＣＯＷ，只不過，多左一份自信。



而ＪＵＹＤ好情深咁望住佢，同先前相比，以前ＪＵＤＹ眼中係無ＣＯＷ，不過而家ＣＯＷ充滿住佢既眼球，「你臨走前唔錫我啊，如果而家唔錫，就要等到幾個月後先有機會架拿。」

係機場每一個角落，都有好多人團聚，分開，佢地歡笑或喜極而泣，又或者佢地係想灑脫地離開呢個地方，去另一個世界開拓自己既夢想，而係我同阿琪眼前呢一個角落，見到既，係一對終於懂得珍惜大家既情侶，佢地抱得對方好緊，好似害怕失去左對方一樣，二人緊貼既雙唇，唔單只傳達雙方既體溫，更加傳達緊對方既思念，以及愛。

離別既一吻，就算錫幾耐都唔會夠，直到機場既廣播講出ＣＯＷ要登機既號碼，佢先依依不捨咁離開ＪＵＤＹ既雙唇。

「等我返黎，我會再帶妳去我去既地方。」ＣＯＷ話，但ＪＵＤＹ問佢：「咁點解今次唔帶埋我去。」

ＣＯＷ笑左笑話：「因為我想先探一探路，唔想同時我地兩個盪失路，妳就會唔開心咁鬧我、打我、同咬我……」ＪＵＤＹ好大力咁咬左ＣＯＷ一啖，「我唔開心架已經，不過我放過你啦。」

佢地兩個互相笑一笑後話……

「我會好掛住你架。」「我會好掛住妳架。」

送走左ＣＯＷ，陪伴住ＪＵＤＹ既有一左一右既我地。



「點啊，好唔捨得啊？」阿琪問。

「少少啦。」ＪＵＤＹ扮晒野咁答。

「咁啊，仲諗住妳會好掛住ＣＯＷ，預左呢幾晚陪妳添。」我就話。

「陪我做咩先？」ＪＵＤＹ問。

「先前我地未話要約埋跑ＧＲＯＵＰ　ｄ人出黎飲野同玩既，都未約到，睇黎今次，得拿掛。」阿琪一臉好興奮咁話。

「又係，咁好啦，快手約佢地出黎飲啦。」ＪＵＤＹ話。

「好啊。」我望住佢地兩個，開心地回答。