係機場果一幕後,我有問返JUDY點解會選擇同COW一齊,而佢就話諗過好耐,都係覺得COW對佢咁好,點解佢仲要揀B男,而我再問佢點解以前唔係咁揀,佢就答我,可能,人係失去過之後,先會明白擁有果陣既好處。

然後,佢再三同我講,就係因為咁佢鐘意有返對COW既感覺。

我將佢地兩個既事話返比老牛大人聽,佢都好欣慰咁話:「身邊有一個識得諗既朋友,先會幫到佢地愛情既成長。」

唔知老牛大人係未讚緊我呢?

JUDY既事終於完結,COW係第一日到步已經寄左明信片比佢,JUDY亦都成日係我同阿琪面前曬COW送比佢既明信片,見到佢個樣咁SWEET,我同阿琪都替佢開心。



而今日……

阿琪:記得今晚準時放工啊
我:知道拿
阿琪:最後估唔到會有咁多人出黎
我:我都估唔到
阿琪:有咁多人去
阿琪:(開心)

最後約左跑GROUP既人今晚去飲野,同阿琪講既一樣,真係估唔到會有咁多人出席,當然啦,阿琪出黎,好多狗公都到,而且今次阿富都會黎。



數落,大大話話都有10幾個人。

我地揀左一個比較近大家既酒吧,希望大家今日可以玩得開開心心。

時間好快就到左酒既既約會,我、JUDY同阿琪都約左地鐵站等齊人先去,當到達後,見到本來好靜既佢地,突然間興奮晒。

因為今日既阿琪,著得又真係幾靚。

「阿琪終於都到拿!!!」班狗公既歡呼,整到阿琪好尷尬,而且佢地仲不停叫阿琪坐係佢地既旁邊,佢望一望我想求救既時候,可能班狗公一早就計劃好……「阿牛,呢到個位留左比你架。」



我望一望我坐既位,再望一望佢地想坐阿琪既位,可以話係一個坐頭一個坐尾,但係佢地咁講到,想改變已經黎唔切。

坐低左,班狗公更加癲,不過好JUDY同阿琪一齊坐,所以班狗公既招數都起唔到咩作用。

坐係我附近既人有阿富、金姐、菜老闆同埋一個比較熟既跑友。

「頭先你地未黎,全臺人不知幾靜。」金姐同我講,而我望一望已經比好多女MEMBER圍緊既阿富,就答佢:「係咩?我覺得應該好熱鬧wo。」

菜老闆聽到我咁講後就笑住講:「佢地係因為見到有勁敵先咁做咋。」

勁敵?菜老闆示意我望去阿琪果邊,哦……原來佢所講既勁敵係阿琪。

不過經過上次同阿富打賭後,阿富已經無再煩阿琪,但係佢仲諗住同阿琪一齊?不過佢仲拍緊拖架wo。



唔好諗咁多,今日黎到係想開心玩一玩,就盡情咁去放鬆下,而且阿琪而家有JUDY睇住應該無事,所以我都無太理會佢地果邊。

飲到咁上下,阿琪又提意玩果樣野……係啊,又係TRUTH OR DARE……

班狗公聽到後不知幾咁雀躍,因為佢地覺得有機會問阿琪我密既野,但係事與願違,佢地整唔到阿琪輸不特止,仲比阿琪同JUDY反玩左佢地。

但成晚留留長,始終都會有機會齊到阿琪輸,不過好彩既係,發問權落左係金姐度。

全部人都好期待金姐會問阿琪d咩野,不過我就無咩期待,因為平時阿琪咩都同我講,佢以前細過既野我都差唔多知道晒,所以無咩野我係唔知。

但係,金姐以下所問題野,係我唯一比在場既人更在意。

「阿琪,如果阿牛佢再靚仔d,妳係唔係會同佢係埋一齊?」金姐既問題一出,大家都無度起哄,而我,就呆左諗緊呢個問題。

第一點,咩叫我靚仔D……我已經個樣好唔店咩!?雖然我都有少少覺……



第二點,會唔會同我一齊!?呢個問題我成日都想知,只不過係阿琪話未諗住拍拖,所以我覺得佢會答唔想住。

所有人都等緊阿琪既答案,而坐係佢旁邊既JUDY就笑得好耐人尋味,同我對到眼果陣,仲笑得更耐人尋味。

然而,阿琪終於講出左佢既答案:「我同阿牛而家係好好好好好好既朋友,唔排除會有進一步既關係。」

我終於知道咩叫正中紅心既感覺,就係呢一下,JUDY佢對住我笑緊,但我唔在乎,班狗公對我目露兇光,但我唔在乎,阿富佢露出左一副落莫既表情,但我唔在乎。而家呢一刻,我只係望住阿琪,而佢有少少怕羞咁話,「我要去一去洗手間。」

同佢對到眼,感覺唔同左,而我,就係呢個感覺下輸左都唔知,而且仲迷糊地選擇左TRUTH。

坐係我面前既跑友問我:「係個跑GROUP度有無鐘意既人啊?」

而我好直接咁答左:「阿琪。」