[愛情無限loop] 就係咁，我做左女神一年既備胎: １３５　真話定假話

游左都有一段時間，都係時候上水，上水果陣，見好多狗公都唔見左，可能佢地早走左掛，而我遠處見到阿富，佢無咩表情咁行左入更衣室。

我同阿琪上左水後，坐係池邊踢下水，因為仲要等仲玩緊既ＪＵＤＹ，而金姐就同我地講：「今次游水應該有好多人好傷心。」

下？點解啊？我同阿琪用不解既樣望住金姐，但金姐只係對我地兩個笑左笑後就返左入更衣室。

ＪＵＤＹ終於上左水，而我就扶左阿琪起身先，ＪＵＤＹ望住我，笑得好衰咁話：「都話幫你制造機會架啦。」

咁佢咁講又岩既，今次搞既游水活動，使我可以送件泳衣比阿琪，而且仲可以同佢咁ＣＬＯＳＥ，好啦，比個叻佢啦。



我地各自去左更衣室，入到更衣室後，見到阿富已經換好晒初坐左係度，粒聲都唔出咁，而我就開始沖身同換衫，估唔到既係，沖完身，阿富佢仲坐係度，所以我問佢：「點解唔出去等？」

阿富聽到我咁問佢，無答我既問題，反問左我一句：「你係未仲追緊阿琪？」

「點解咁問？」我又問返佢，但阿富又係一副想講又唔講既表情，最後只係講左一句：「都係算啦……」

點解佢又變返咁既？

我換好晒衫，吹左陣頭，好快就出左去，而阿富佢都跟住出黎。



一出到去，有ｄ　ｍｅｍｂｅｒ係度等緊，大部份都係正常既ｍｅｍｂｅｒ，當然仲有ｄ好堅持既狗公係度等緊。

「又會咁耐既。」其中一個ｍｅｍｂｅｒ話，而其中一個狗公就答：「女仔係要多ｄ時間嘛，你真係唔識野。」

但係個狗公講完呢句後，阿琪就出現左係我地面前。

「咁快既？」ｄ人問佢，而佢就答：「我先唔會好似其他女仔咁耐。」聽到阿琪咁答，我笑左出黎，阿琪見到我笑成咁，就問我笑咩。

我就答佢：「無，女仔既野，妳呢個師奶仔識條鐵咩。」我講完後，佢笑住打我。



因為我有時陪佢行超級市場，都會叫佢做師奶仔，佢都好受落。

其他ｍｅｍｂｅｒ聽到我咁話佢，都係度笑，而游水活動就係一個好歡欣既場面落幕，當然係未全部人都咁歡欣我就唔知，但起馬我知道，我同阿琪兩個係。

返到去，因為游左咁耐都好累，訓左係床到但又訓唔著，呢個時候，我拎起左電話，ｓｄ　ｍｓｇ比阿琪。

我：做緊咩啊妳？
我：我訓唔著啊
阿琪：我都訓唔著啊
阿琪：都唔知點解游到個人咁累
阿琪：但係都訓唔著
我：我都係（喊笑）
我：食左野未啊妳？
阿琪：食左少少啦
阿琪：不過仲想食野


我：為食豬
我：一陣一齊出去食ｄ野好唔好啊？
阿琪：好啊
阿琪：頭先我睇ｍｓｇ
阿琪：見到ｇｒｏｕｐ其中一個人ｓｄ左個ｍｓｇ比我
阿琪：話我著泳衣好靚
阿琪：好變態啊
我：點解變態
阿琪：因為同佢又唔熟
阿琪：無啦啦ｓｄ　ｄ咁既ｍｓｇ比我
我：咁又係（喊笑）
阿琪：有ｄ人到而家都未讚我囉（扁嘴）
我：邊個咁可惡
阿琪：你話呢（嬲）
我：（喊笑）


我：咁妳想聽真話定假話？
阿琪：假話先（喊笑）
我：妳係我見過著泳衣最靚既女仔
阿琪：咁真話呢（嬲）
我：妳今日真係好靚
阿琪：兩樣都好岩聽
阿琪：開心

阿琪，妳點只係今日先靚，係我心目中，妳日日都係咁靚。