我就好似漫無目的咁係屋企坐,咩都唔想做,望住街景好想時間快D過,日出慢慢算到我既頭頂,已經到左中午,我諗阿琪同呂晨已經出左院。

電話其實響左好多次,但係我無咩心情去接,成個人頹到一個點。

直到……「死仔坐係度成個朝頭早搞咩啊?食唔食野啊?」老牛大人呢一個問題,我無回答,但係我就拎起左電話一睇,原來阿琪SD左好多MSG黎。

點解?點解佢仲要SD MSG比我,佢已經有未婚夫啦,點解佢仲要咁做?

我入到個WECHAT睇都無睇就DELETE左阿琪SD比我既MSG,然後,就係能蟹SD比我既MSG。



能蟹:兄弟,你而家點啊
能蟹:你真係唔黎?
能蟹:阿琪不停問你點解唔去啊
能蟹:你唔想見到阿琪
能蟹:都黎見下呂晨啦
能蟹:呂晨都一直問緊點解你唔去啊
能蟹:頭先我地問阿琪果個男人D野啊
能蟹:有樣野你一定想知
能蟹:原來個男人可以話係阿琪既未婚夫,但都可以話唔係



我見到能蟹最後既一個MSG,腦入面就好似有一道光出現左,呢一道光打醒左我。

我:咩叫做可以話係阿琪既未婚夫,又可以話唔係?

呢一道光係希望既曙光,我諗都無諗就SD左個MSG比能蟹,然而,呢一個MSG之後,能蟹打左比我,我一接電話,能蟹就話:「你終於肯應機拿?」

我無理佢,只係問我頭先問佢既野,「你頭先所講既野,姐係點解?」

我只係聽到能蟹既笑聲,然後無答我,只係問我:「你食左野未啊?」



「你答左我毛啦。」我話,不過能蟹笑得仲大聲話:「你而家快D落黎你成日同阿琪一齊食野既茶餐廳啦,我地成班人都係度等緊你啊,當然仲有阿琪啦。」

我聽到能蟹既說話後,呆左一呆,「……阿琪?」

「係啊,你快D落黎啦,佢唔落得黎好耐架咋,太耐既話佢爸爸又發嬲架啦。」能蟹講完呢句後,我就二話不說講:「我好快,你等我。」

我即刻換好衫準備出門,老牛大人見到我咁都話我做咩無啦啦又咁精神。

咩叫左可以話係未婚夫?又可以話唔係呢?我唔知道,但我只知道而家係我心入面有一股好強烈既希望,就好似話比我知,叫我一定要相阿琪。