「做咩無啦啦又拎我同阿琪D野黎講?」我呢個問題無預過能蟹比答案我,我只係想佢知道我唔想佢講阿琪。

不過佢就似理得我繼續話:「阿牛,好話唔好聽,阿琪係鍾意你既,一早就同你一齊啦,而家仲要有個男人出現話係阿琪既未婚夫,講真,果個男人未又係阿琪隻兵,同你差唔多咋。」能蟹字字鏗鏘咁話。

我聽到能蟹咁講有少少嬲,但我唔係嬲能蟹,而係嬲自己,點解諗唔到反駁既說話,我只可以講既係,「唔好講我果D住先,講左你果D先。」

「我仲有咩可以講?」能蟹話。

「你女朋友呢?佢打左你一巴後好嬲咁走左,你唔駛諗方法哄佢啊?」我問,而能蟹呢一刻先好似如夢初醒話:「係WO!我都唔撚記得左我女朋友添!」



能蟹拎左自己既電話出黎,一連SD左好幾個MSG,但係佢SD完之後,用一個好驚既表情望住我話:「得……得一個綠色剔……」

「你地仲有無用其他APPS講野架?」我問。

「有啊!試埋先!」能蟹又係一連SD左好幾個,不過SD完之後都係用好驚既表情望住我,然後比左佢既手機我睇,我見到係「訊息未能成功傳送」,通常呢種情況有三個可能性,第一係自己而家無網絡,但係呢個一定唔係,第二係對方而家無網絡,呢個可能會係,第三係對方已經將你拉黑……

「死啦!佢BLOCK撚左我啦一定係!」能蟹話,然後打電話比佢女朋友,但係一打過去就係一個女仔接電話,呢個女仔大家都識,就係果位話比我地聽「你所打既電話未能接通……」

我好少見到能蟹個樣會咁慌,「阿牛,快D借你部電話黎。」佢都未等我回答,佢就拎左個電話,然後打比佢女朋友能利。



而通左一陣,電話就接通,能蟹一開口就話:「妳可唔可以比機會我同妳解釋啊……件事唔係好似妳咁諗架……我有苦衷……妳唔好咁先啦,唔好喊啦……唔係啊,我緊係好愛妳啦,我為左妳改左好多架拿……我唔係用呢樣野黎大妳啊……咩野次次都咁講,次次都用我改左好多呢個借口WO……喂?喂?」

我望住佢傾完一輪後就比能利CUT線,而佢又再打電話比佢。

「妳唔好咁先啦……不如聽日出黎傾傾啦,我會帶埋我朋友出黎傾啊……唔係,唔係果個女人啊,我帶出黎果個係男人黎架……咩啊,唔係啊,我唔係玩男人,唔係中途轉基啊,我剩係愛妳一個,好唔好……嗯,咁聽日我帶埋我朋友呢個時間黎搵妳啦……」能蟹講完呢句後,就無奈咁望住部電造,我諗,佢又比能利CUT線。

「點啊?你女朋友無事掛?」我問。

「暫時黎講應該無事,起馬聽日肯見。」能蟹鬆一口氣答。



「但我聽到你話會帶個朋友去搵佢?你帶邊個去?」我問,而能蟹就好認真咁望住我話:「你話呢?」

唔係掛,能蟹要我聽日去同佢見佢女朋友?