經過今次後,本來以為未比B男點相既SUNNY可以容易d埋佢地身,但係點知因為果一晚後,SUNNY都黃左。

不過如果比著我,我都可能會好似SUNNY咁做。

SUNNY不停叫我地唔好將今日既事講比金姐知,因為佢怕金姐知道阿銀有食丸仔呢件事,會令到佢更加擔心佢,然後又唔知做出d咩野。

我同能蟹都答應左佢,不過我地就要再諗下有咩方法可以幫到阿銀。

其實果一晚過後,本身好自責既能蟹就更加自責,我作為兄弟既,就只可以話佢知呢d野唔關佢事,所有事情都係果個B男搞出黎。



其實我地同呢位B男真係幾有緣下,JUDY既事、拾拾既事、直到而家呢一件事,但如果呢一份真係緣,應該係孽緣,而且,好似仲慢慢加深添。

同佢地散左之後,我一個人返屋企,係呢條返屋企既路上,我諗返呢一晚既事,但係,所諗既事全部都係關於阿琪。

好諷刺,其實呢條路我同阿琪行過不下數十次、數百次,次次都係好開心咁行,但點解今日得返我一個人行既時候,我個心咁痛既?

係因為d咩野令到我有咁既感覺呢?

突然間,我腦海入面不停出現以前同阿琪一齊既點滴,但唔知點解,每個點滴都係阿琪對我講多謝我既畫面。



去到最後果一個,就係頭先阿琪同我講對唔住既畫面。

呢一個對唔住,好似將之前所有多謝抵消晒咁。

就好似之前所講咁,呢個世界上有好多三個字既句字,多謝你、對唔全、我愛你……等等,我係好想係阿琪口中聽到佢愛我,但係我又係未一個值得佢為我咁講既人呢?

到最後,佢可能只覺得我係一個只值得講多謝你既人,而到頭先果一刻,佢講左一句對唔住……

點解?點解我塊面開始有d濕既?我望一望上個天,無落雨架,但點解好似有一滴又一滴既雨水係我塊面流咁既。



我用手擦一擦果d水,但係擦極都仲有,到最後,我放棄左擦面,只係企左係度喊緊,自從同前度分手後,我都未試過喊到今晚咁。

我既喊,係喊出聲,可能係因為我最近都無好好發泄內心個憂傷。