呢一喊之後,我成個人都輕鬆左好多,其實我都唔知點解會咁,唔通係我一直以來都壓抑住自己既內心感受所以先會咁?

如果呢個諗法係真既話,咁我既內心感受究竟係點……

大喊一場既我返到屋企,見到既,係老牛大人係露臺度,我慢慢行到佢既身後,而當我想拍佢既時候,「返黎拿。」睇黎佢一早知道我返左黎。

我坐係佢身邊,然後答:「係啊,返左黎。」

佢望一望我,靜左幾秒後問:「係未有咩野唔開心啊?」



「我……」慾言又止既我問左老牛大人,「……如果去到一個點,你真係想放棄去愛一個人既話,你會點做?」

老牛大人意重心長咁嘆左一口氣,「係呢個時做,你就要回想下你以往曾經既付出,好好回憶,然後再諗下接落黎係未仲可以為呢個人做出同樣,又或者多於呢D野既行動,如果得,就繼續啦,如果唔得,覺得已經到左一個極限,你就要好好冷卻自己既熱情,慢慢放得呢一切,然後,回到以前既自己。」

我聽到老牛大人既話後,就慢慢諗我同阿琪既野,而呢個時候,老牛大人又話:「記住,你要選擇放低,唔好選擇玉石俱焚,唔好有報復既心,要當呢一個係一種歷練。」

佢呢一番話,語氣好似警告我唔好行錯路。

「……明白。」我點一點頭,然後我問老牛大人:「你試過放棄一個人?」



老牛大人搖一搖頭,「無,我無試過,但我見過有人試過,但係,係一個唔好既結局。」

老牛大人拍一拍我既勝頭話:「你咁大過人,識得諗架拿,而且我相信你而家已經有能力去選擇一個正確既方向。」佢講完後,就離開左露臺,而臨離開前佢又話:「男人可以喊,但唔可以做錯事,知道未啊,阿仔。」

呢一句語重心長既說話,我一直記係心入面,正到而家,我都係以唔做錯事為目標去做每一個選擇。

返入房,我拎出我既電話,開左我同阿琪既聊天紀錄睇,有最初第一句既對話,慢慢一直睇到尾,對話係開心既氛圍,但係我內心只感受到無限既空虛,直到,電話響起,係阿琪既MSG。

阿琪:聽日有無時間出黎
阿琪:我有D野想同你講



面對住阿琪呢兩個MSG,我諗左好耐先回佢。

我:好