白雪和我: Part time
Part time
冇錯,香港有唔少食肆商店……
但係我應該揀咩好?
冇理由on99咁去肥仔強老豆間店打工,分分鐘比人斬……
阿言老豆同我老豆同lv.,唔使請人兼職……
點好……???
屌唔好煩la,搵間少人ge西餐廳la……
我屋企附近有間Itamomo,唔多人,啱我!
我一開門,真係冇乜人,理想啊……
「歡迎光臨,先生一位?」一個睇起黎大我少少ge女仔講ge。
「我黎見工ge,我想搵份part time放學後做……」
「咁你等我,我去叫老闆,你請坐la。」
呢個女仔,又靚態度又好,滿分!
「樂仔?」
唔撚係掛,你係老闆定路過?
「你係?」
「霆雪阿爸,呢到ge老闆。」
李老闆……可唔可以爆粗……
「咁我想係呢到兼職,可以?」
「你未夠歲數……」
「呢層完全唔使擔心,我有阿爸申請ge特別許可證。」
「咁好la,你返幾耐?」
「呢六個月如果屋企一直沒特別事件發生,我應該做足六個月。」
「其實你點解要打工?」
「唉,因為老豆……」下刪二百五字
「份合約咁撲街,如果係我我唔會簽……」
「其實老豆都係爲我地著想先簽,除左訓練我ge求生能力,佢仲賺唔少tim。」
「佢有你呢個孝順仔真係好,得la,我決定左la,你係到做la,至於住屋方面,我屋企真係唔方便,個女更加會發癲,雪瑩你屋企ok?」
「點解你個女會發癲?仲有邊個係雪瑩???」我問。
「你好,我係林雪瑩,今年讀培僑中三,如果你冇問題可以去我屋企訓ga wor。」呢個係啱啱我一入黎見到ge果個靚女。
「唔麻煩你咩?」我問。
「完全唔會,我屋企得我一個,有個男仔陪我傾計都唔錯。」
「多謝……循例我都要介紹一下自己。我係初天樂,今年讀培僑中二,我係一個本身要訓街ge人。」
「咩話?初天樂?」除左雪瑩,係唔知邊到飛左幾個女仔出黎😓
乜我有後宮咩……
「真係好靚仔!」
「點解比人趕出屋企?」
「去雪瑩屋企住?」
「唉呀你地唔好嚇親佢la……呢d全部係我同班同學,你地介紹下自己先。」
「我係陳倩如,叫我阿如,倩如就ok。」左邊第一個先開始,幾靚女ge……
「我係張家琪,叫我阿琪又可以,琪琪都ok。」中間果個都好靚。
「我係李雨琴,叫我雨琴,阿琴就得。」呢個雖然係三個入面最靚,但始終唔夠雪瑩好。
「多謝大家包容,我係初天樂,由於一d原因唔可以返屋企,呢段日子就麻煩大家la。」