白雪和我: 寄居
寄居
各自介紹完自己，發現樓面冇人全職，得廚房ge人係……
「老闆，點解樓面冇全職？」
「有一個，今日放假姐。」
「Ok...」
「好la，大家做野la！」
一開始早餐真係無乜人，午餐就變了……
「歡迎光臨！」我叫左呢句n次……
「嘩……日日都咁忙？」我問。
「一時時la。」阿如答我。
「你可能未做過part time所以覺得辛苦，加油！」雨琴講。
而琪琪同雪瑩忙到撲曬街……
所以我都要做好d。
午餐時段ge繁忙持續近兩個鐘……
「累死……」佢地四個都坐低曬……
「下午茶ge野我做住先，你地抖順條氣先再出來係可以ge，唔使急。」
「你一個搞掂？」雪瑩問。
「Why not？當爲打波練體能。」我發現，原來我唔記得左練波呢回事……
「Ok，你有野搞唔掂就叫我地la。」琪琪話。
於是其實下午茶唔少人，不過我以極快ge速度應付曬。
「先生，請問想點咩？」
「小姐，幾多位？」
「多謝你六十五蚊。」
呢d野我一手包辧左成粒鐘。
而d客ge評價係
「呢個職員ge服務態度好好。」
「嘩，好靚仔！」
最終，一小時後我去左求救，開始累。
「嘩樂仔，你外星人黎ga？咁多人你一個搞掂曬仲要冇出錯？」雨琴好驚訝……
「老母ge地獄式訓練，算ok la。」
之後佢地出左去，我抖左十五分鐘都出左去繼續。
其實搞掂左頭果批，下午茶就好少人……
到左晚餐時段，又有勁多人……
D人一係就食扒，一係打邊爐……
不過我地五個分工又幾輕鬆ge……
一直做到九點半，可以收工，老闆會執手尾。
「今日份糧，出左比你地先。」
今日做咁耐，所以至少三舊水，出乎意料，竟然係五百。
「今日你地ge表現，可以唔使我出手，做得好好，所以出多d當獎勵。」
「多謝老闆。」
「你地換完衫就走la，樂仔你過一過黎。」
「好。」
「樂仔，你去到雪瑩屋企唔好搞人……」
「我點會……」
「人地係好女仔黎ga，不過天冇眼，佢父母係雪瑩中一ge時候就死左，我同佢父母有d交情，佢個時亦知我係邊個，然而我比佢係呢到打工，佢唔想咁快用曬父母ge錢……」
「明白，不過實不相瞞，其實我唔使打工ge……」
「何出此言？」
「因為我偷偷地帶左自己keep ge十皮cash加幾張信用卡，不過我唔想用咁多。d錢我諗住六個月後比少少佢，當係爲佢加油……」
「你真係好人……」
「好la，我都去換件衫先，下次見la。」
道別後，我超快咁換衫，我地五個一齊出左去。
「而家成十點la，明天仲要返學，早d休息？」我出於好心問。
「唔使la，明天返學d堂好輕鬆，去m記坐下食杯雪糕la。」
「好，明白。」
我地搭小巴去利安間M記。
「樂仔，你可唔可以坐低幫我地睇住d野，我地去買埋比你la。」雨琴有心la，不過……
「唔使la，我去買，你地想食咩？」
「哦……」
經過一番討論，我買左三杯double新地，三杯麥旋風。
幸好，我張爲食桔救左我銀包，本身八十幾先買到ge而家衹需四十。
「大家食la。」我叫。
「我地俾返錢你啊。」家琪拿左d錢出來……
「Nonono，唔使，我請。」
「咁點得？」
「我夠錢用，你地慳返佢la。」
「哦……」
我地一邊食一邊傾，途中發現原來佢地全部a0，當然我都係。
「樂仔，以你ge質素，睇唔出你a0 wor。」倩如表示驚訝。
「冇呃你地wor。」
這時，其實已經差唔多十一點，卻有一個人入左黎……
李霆雪……
「樂仔，你係到ge？」
「係啊，咁啱ge？」
屌拿星，佢知道我打工ge話，今晚未到兩點都會比佢煩住。
「大家，如果佢問我有冇打工，你地答冇。如果佢問我地點識，你地話一早識，拜託曬……」我用一把好細，好細ge聲去講，佢地似乎明曬。
「我聽講樂仔打工wor，真ga？」第一條比我估中。
「唔係，大家都知ga。」我答。
「真係？」
「係，佢冇。」雪瑩幫口，pass左first round 。
「咁你點識form3 ge姐姐？」我ge猜測命中率係100%。
「我地一早識佢。」佢地異口同聲咁答。
「O，咁我走la，拜拜。」
「拜拜……」
已經擊敗boss。
「多謝大家合作。」
「唔使。」
「而家夜la，返去休息啦。」
佢地同意，然後我跟著雪瑩去到佢屋企。
係錦英苑……
行多陣，去到升降機，佢屋企係29樓。
「到la，入去la。」佢叫。
我拖住行李，入到去，間屋簡樸實用而非常整齊，錯覺令我以為五百幾呎變左成千呎……
「你沖涼先la，我坐陣。」我話。
「好。」
我週圍參觀，真係好整齊……
最後我坐低左，拿左部冇掂至少八粒鐘ge電話出黎。
婷婷係咁send野黎……
「我已有居住所，放心。」我覆佢，之後佢就放心曬。
這時候，雪瑩出左黎，大佬你唔著衫係咩意思……
「喂大……大佬，你唔記得左我係到……？」我轉身背向佢。
「下……啊！！！」
佢著返好件衫，問「有冇嚇親你……」
「冇事……」福利邊個會唔要。
「我可唔可以用一用電視？」
「可以。」
我係行李入面拿左部PS4主機同幾個手制出黎，駁左落電視到。
「搞掂。」
「你果部咩黎ga？」
「PS4，係屋企拆出來ga，玩唔玩？」
「好……」
「不過等我沖涼先la。」
說罷我去左沖涼，直到我出黎，我發現佢訓左。
「早抖。」我細聲地講。
我搬左佢入去佢間房，然後繼續打我ge PS4。
「叮噹。」十二點仲㩒鐘？邊個咁搏罵……
下……唔撚係gua……