白雪和我: 出事了

出事了

「初天樂，你果三條女比我地綁走左，不如聽下佢地把聲？」

「救命……」第一個係心愉……

「樂仔……」婷婷……

「快d黎。」霆雪都賴野……



「你想點！」

「今晚，十二點後搵唔到我地ge話，後果……hahhahahahaha…………嘟…………」

八婆啱左

「撲街呀！」

我起左身，衝出房著鞋……



「你去邊啊？」

「我去救人，你等我返黎，借架單車黎！」

「但……」

「一定要！」

「好……小心d……」



係邊……係邊……

一定唔會比你地有事……

我係屋苑，一d隱蔽地方搵過曬，咁就曬左兩粒鐘。

「喂樂仔！」

阿言阿夜肥仔強……

「你唔係病撚左ga咩？」肥仔強問。

「病事小！婷婷霆雪心愉比人綁左！」

「下……」



「我搵唔到……」

「會唔會係你去唔到ge地方？」阿夜

「我有地方去唔到？屋企？冇錯，我屋企空無一人，就係果到！多謝阿夜！」

我飛車去我屋企……

「喂老豆我要返屋企！」

「咪玩la有人監住。」

「白家小姐比人綁左係入面！」



「Ok你去la，我會叫佢地比破例你。」

現時九點，我去到屋企門口，d西裝友扒撚曬係地下……對面直係咁勁？

我行左入去屋企，突然間，燈開著左。

「歡迎歡迎，你早左咁多ge？」一個蒙面人……

「少廢話，放左佢地先！」

「好啊。」

佢放開左佢地三個……

「走先，佢ge目標係我。」



「但係……」

「聽我話，走！」

佢地三個走左，我總順安心……

「講，你叫我黎ge目的係？」

「殺左你！黑帝萬歲！」

「黑帝？」

佢冇理過我，而係左把Ak47輕機出黎，對著我……



「Game Start！」

真係襯我病先攞我命……

佢一直掃射，我因為病病地反應唔切，已經中左幾粒彈……

我訓低左……

「點啊，初家都有今日la，你條小契弟都係收皮la。」

Bang！

蒙面人應聲倒地，而我仲可以企返起身。

原因係我個行李箱入面有件避彈衣，所以冇乜事。

「你冇野？」一個警察拿著枝槍行左埋黎……

「唔該，冇事la。」

「你流好多血wor……」

「哦……sor，番茄汁呢ge，黎扮死。」

我一除左件衫，見到我掛左成一百包茄汁上去，佢以爲我癲撚左……

「小朋友，持有避彈衣要牌，點解你會有？」

「我有牌。」我 show 左比佢睇。

「好……」

我想走出去ge時候衹係諗緊屋企變成咁，如果比出左國ge老母知道左，我同老豆就真係撲十次街都唔夠…

於是出去之前，我決定打電話比老豆先。

「喂老豆。」

「依你冇事啊嘛。」

「冇，有避彈衣同茄汁幫我，我比個建議你，你最好快d搵人裝修屋企，你知比老母知道ge後果不堪設想ga。」

「明白，一切爲我地生命買份保險，我會叫人整。」

「唔該老豆。」

我打完呢通電話就行出去……

「樂仔！」婷婷二話不說，直接衝埋黎攬住我。

「你冇事真係太好la。」

「我會有事咩？」

有個警察行左過黎。

「我想你錄份口供，因為今次ge事絕對唔係咁簡單。」

「好，不過可唔可以比我去個邊坐下，我病病地，而家好累……」

「冇問題。」

我同佢行左去張櫈到。

我描述左成件事比佢聽，最後我發現仲有一樣野。

「佢大叫過一句黑帝萬歲……」

「你話……黑帝？」

「係，黑帝係咩？」

「根據我地警方ge調查，黑帝係一個神秘ge殺手組織，實力好強，主要係收錢然後殺人，好少會洩漏行蹤，反而今日有……不過冇用，佢死左就冇證據。」

「你ge意思係，有人想我死？」

「由表面睇，你ge推測係應該冇錯，所以請你以後小心。」

「好，唔該。」

「你可以走ga la。」

到頭來都係一頭霧水……