白雪和我: 發燒

發燒

「今堂自修，你地科任老師病左。」係陳sir。

我地快趣交完功課，就開始做自己野。

我好似覺得好熱……應該冇野ge……

其他人都睇下書，偷開機，唯獨我一動不動，衹一直諗呢六個月需要做咩……



「樂仔，樂仔。」婷婷坐我隔離，細聲咁叫我，不過我開著左沉思 mode，所以聽唔到。

「樂仔呀！」佢打左我一下，我脫離左呢個mode。

「係，咩事？」

「你最近點呀？」

「幾好，有食有住有工打。咁你呢？」



「係屋企好悶……你話你打工？」

「係，冇錢點生活？」我暫時隱瞞住果十萬先。

「你住邊……？」

「朋友屋企，錦英苑。」

「朋友？？？」



「後面唔好吵！」陳sir今日咁9兇狠……

更年期咩……

之後我地即刻收曬皮，靜左成堂。

「落堂！」坐左成粒鐘，好悶……

「喂喂，樂仔，你成9日唔練波，今日記住黎。」阿言咁有幹勁？係咪痴撚左……

「唔得ah。」

「好兄弟，一齊走堂！」挑你😑

「要打工……冇計，比人趕出屋企……」



「下……」

之後我解釋左成件事比佢聽。

「嘩，比著我老豆？佢唔會lor。」

「唔係ge，佢話我唔肯可以唔去，係我同意ge。況且有工打有屋住，我仲偷偷地帶左十皮。」最後果句極細聲。

「我老豆都有問，我話唔去。」

「分分鐘付出ge代價可以換幾億tim。你蝕la。」

佢都唔理我，就走左。當我講野流ga？



算la。

好似……有d頭暈咁ge……？

啪……倒地了……

「樂仔！」

過左唔知幾耐，我緩慢咁開眼，發現自己身在校務處，而我隔離坐左三個人，一個係婷婷，一個係心愉，仲有雪瑩……

「我好唔舒服……咳咳……」我唔知咩事……

「傻瓜你發燒啊……」心愉先出聲。

「你做咩好地地發燒……？」婷婷問。



「我唔知……」

「仲有佢係邊個？」心愉指著雪瑩。

「朋友，而家我住左係佢屋企。」

「下！？真ga？」

「係啊。」雪瑩見到我累到出唔到聲，幫我答左。

「Ok……咁你不如比樂仔同你早退，你照顧佢先la。」婷婷咁順攤……

「好，我去搞好申請。」



雪瑩好快搞掂。

「我地商量過，我地放學會黎探你，到時候再打比你地。」

「好……」

雪瑩扶左我出學校搭的士。

「Sorry ah…… 我會……比返的士錢……你……」

「唔使la 100都冇。」

「多謝……」

坐左唔係好耐，已經到錦英苑。

「唔該司機……」

我好辛苦咁頂住，直至到左29樓ge屋企，我諗都唔諗就扒左係沙發。

「你等我放低野，我會扶你入房。」

佢以神速丟低曬d野，就過左黎，佢伸出手，示意要我捉住。

我捉住左佢果隻白滑ge手，佢拉左我入房，然後我訓左上床。

「食d必理痛先la？」

「好……唔……咳咳……唔該……」

我好快咁吞左個兩粒必理痛就訓著……

此時，雪瑩去左廁所拿左一條新毛巾同一盤水出來。

「抖下la。」佢將條濕毛巾放左係我額頭到。

訓到大概兩點，我醒左，雖然都係唔舒服，不過都好過啱啱係課室暈到撲街ge時候。

「有陣味ge？」

我企左起身，叫做勉強行到，我行左出來，偷睇到雪瑩煲粥。

於是我就坐係沙發睇下電視㩒下機，病左緊係唔做功課la。

「咦，你醒左la？唔舒服就訓多一陣la。」

「唔使，訓唔著……」

「咁你等多陣，就快煲完粥la。」

於是我等多左十分鐘左右，有得食la。

「我餵你食la？」

「下……唔使la……」

「我餵你純粹唔想你跌爛野，絕對……絕對冇其他用意，所以乖la。」

「哦……」

雖然我幾撚憎食粥，但係如果佢係因為關心我而煮，我會頂硬上吞左佢。

「好味！」當然呢句係大話。

「係咩……多謝。」

我食左兩碗，已經好飽……

佢執好曬野，我地之後坐多左半粒鐘，因為食飽唔可以咁快訓。

「真係好對唔住，搞到你又要早退又返唔到part time……」

「你身體重要d，果一日半日就算la……」

之後坐多左陣……

「我想訓多陣……」

「我扶你入房la。」

說罷，佢就扶左我入房。

「唉呀。」我同佢kick到地下搏位，雙雙上床，我同佢 kiss 左……

佢個嘴唇，好滋潤……

「對唔住！」我地分開後異口同聲咁講。

呢個氣氛真係超緊張……

「你休息la……」

「嗯……」

我一直訓到六點，婷婷心愉冇按照約定黎探我。

直至一個來電……