白雪和我: 通知

通知

不知不覺已經七點三，佢兩條友咁慢咩……

「喂！姐姐們，夠曬鐘啦，肯行未？換件衫用左半粒鐘？」

如果唔係換校服，我會以為佢係去 fashion show 添……

你地終於肯開門啦……感激上帝！



不過開門後見到嘅野，我更要感激上帝，因為佢地兩姐妹都好索……

又set曬頭咁，打扮得好正，呢啲就係外國人嘅專長？

連平時紥辮嘅雪瑩今日都放左啲頭髮落黎……

「你兩個今日好靚……」

「多謝！」佢地紅都面曬，怕羞？😏



「不過多得你兩個，今日睇黎應該會遲到……」

「Sorry啊，但係話曬第一日轉去培僑，要留個好印象比人啊嘛……」Charlotte 連忙解釋。

「得啦，其實我依家出發跟本冇可能遲到，因為我可以跑上山，不過爲左陪你地就算啦，一次半次冇乜所謂。」

「哦……」

「仲有你地今晚搬過黎我到住啦。」



「下，點解？」雪瑩問。

「不要問衹要信。依家仲唔出門口就一定gg，快啲著鞋行啦。」

「知道！」

終於出左門口……唉，今日遲硬啦……

平時我都唔想曬錢坐的士，因為我覺得有時錢唔可以咁用，不過今日唔坐就真係gg，所以我決定坐的士。

「嘩……咁豪搭的士？」我地神速咁去到的士站。

「我有錢就冇問題啦，定係你地想遲到？」我問。

「緊係唔想啦！」



「咁上車啦……」我已經率先開定車門比佢地。

「司機唔該培僑書院。」

「好嘅，坐穩啦。」司機大叔好似玩賽車game咁踩爆 turbo，成個閃電王麥坤咁，好彩佢揸得穩，如果唔係我諗佢兩個實嘔……

「到站！」我望一望部電話，七點四十分……

用左十五分鐘就到，的士王無誤……

「唔該司機，三百唔使找。」

「唔得，我唔會收多人錢，反正我揸的士唔係爲錢而係爲樂。」



「哦……咁我比二百你啦，tips點都要比啲。我信你會成為的士王，加油！」

佢以笑回應我。

我地落左車之後，兩位女士仲未起啱啱嘅神速旅程回魂😂

「兩位小姐，醒下啦，你地睇下有幾多狗公住你地？」

冇錯，校門前有唔少男仔爲左女而唔入去。

不過 Charlotte好似冇聽到我講野，直接攬住我。

「嘩……樂仔……的士佬打機啊……差啲冇命……」

「冇事嘅。」



啲人見我好似溝到 Charlotte ，所以轉雪瑩……

點知雪瑩攬埋我……

「嚇親……」佢係我耳邊細聲講……

「係咩……？」我笑着咁講。

「屌你老母啊初天樂！」狗公大叫嘅時候，訓導主任經過，笑撚死我😂

當然，訓導梗係捉走左佢地啦。

我地亦可以安全進入學校。



送完雪瑩入班房之後，我要睇下Charlotte咩班。

「Charlotte 你咩班？」

「8C。」

「Nice，同我一班。」

「好嘢！」

於是我地兩個一齊返班房。

一開班房門，所有人都將目光注視落Charlotte身上……

「喂大佬樂你要溝幾多條女先肯收手……」

「我搞gay㗎你信唔信？」

「唔信！」肥仔強答……「你成日有好野都唔開心share，獨食曬啲女……」

撲街，比人篤爆左……

不過班友已經無視左我，衝曬去抄牌……

呢個時候，我最期待嘅畫面黎啦終於，婷婷入左班房。

「婷婷！」我好大聲叫佢。「過一過黎。」

「有啲咩事？」

「你今日可以搬返黎我屋企住。」我將頭伸過去佢耳邊，細聲咁講，仲吹左口氣。

「真係㗎！？」佢好興奮……

「幾時呃過你？」

「好多次喎，包括去紐約果次。」

「Sorry，果次唔想你傷心，所以先咁做……」

「明㗎喇，我知你無心嘅，玩下姐……」佢繼續「你講嘅野，幾時輪到我唔信？」

「知就好啦衰女。」我用手指篤左佢條腰一下。

「啊！」

好彩無人睇到呢個畫面，如果唔係就大事不妙，實會比人話我非禮……

不過是但啦，因為今日終於可以正式返歸。

我愛歸宿！