白雪和我: 校園日常

校園日常

今日都係hea下hea下咁，然後我發現陳sir遲左職……

是但啦，又唔係同佢好熟，理得佢。

有一班Form3 mk們係到吵

「呢排個初天樂溝曬啲女，點睇？」



「打鳩佢！」

「贊成！」

「我個雪瑩女神！」

於是到左Lunch time 嘅時候……

「天樂哥……」一位素不相識嘅女仔揾我……



「你叫我……？」

「係啊」個女仔好可愛，又好似好驚咁……

「請問有啲咩事？」

「你跟我黎先啦，呢到……好怕醜……」

「哦……」



去到六樓冇人嘅空地後……

「有野想講？」

「對唔住……我被逼㗎……」

佢交左一張紙比我就走左，上面寫著「遲少少再睇」

因為摺埋左，睇唔到內容……

「初天樂，你到啦？」六位雖然著住校服，不過睇得出係好mk嘅人出現並圍住我。

「真係越望就覺得你越樣衰，你呢舊shit搶曬啲囡囡。」其中一個人係到吠。

「咪係，唔打真係唔得。」



「哼……」我冷笑一聲。

「好笑咩？」

我並冇答佢。

「唔服啊？」我講完之後，伸出手輕力地拍自己塊面「過黎打我啊！」

「承你貴言。」估唔到mk們啲中文學到幾好。

佢地六個已經拿曬武器，玻璃樽……

「抨！」一聲就爆左樽準備開打。



佢地好似認真係想開片……

我依家應該點好？出手打人會違規……

係喎！上次支自製加強擴散版胡椒噴霧仲有一半。

「兄弟，上！」

我乜7都冇講，衹係坐低左，然後拿著噴霧向上一舉，再射，佢地中曬招。

「嘩……好刺眼！好痛！」

「哈哈傻閪。」我恥笑之後就走左。

有啲肚餓，去canteen食下野算。



一去到……

「你排先啦……我地ok㗎。」啲女仔讓開左比我……

「唔使嘅，排隊係規距黎㗎嘛。」

佢地之後回復原狀，我便一笑置之。

我突然感覺到後面有熟人嘅氣息，之後我一轉身……我個嘴O到可以塞到一個巨無霸落去……

阿夜拖住霆雪隻手排左係我後面。

我先係呆左一下，之後講「嘩，好閃。」



「好兄弟，你幾多女我幾多女呀屌你。平時叫你分啲黎又唔肯，衹好自己爭取。」佢好撚寸……

「參見阿嫂。」我冇聽佢鳩up。

「哈哈，你兩個唔好玩啦。」

佢咁開心……代表我嘅魔咒沒左，nice！

佢終於唔鍾意我啦。

我地買過飯後，我自己獨自走開坐，唔想阻人拍拖，廢事比人燒春袋。

Charlotte 同婷婷睇黎已經係好熟，佢地一齊行入飯堂。

兩位美人引起狗公們的注意，但佢地不但沒理啲狗狗，仲過左黎坐係我隔離左右，與其話想陪我，你地好似想我比人打多啲……

「頂你個肺啊初天樂！」

「我乜都冇做，佢地自己好似磁石咁痴埋黎咋。」

「屌！」

訓導又經過並捉走佢地，第二次比人捉。

「你兩個遲早累我比班狗公打……」

「下，點解？」佢地完全不明白，我嘅處境……

「算啦沒野啦，食飯啦。」

睇黎麻煩除左黑帝，仲有我日日都需要面對嘅狗公同閃光彈……

屌，有排挨，唉……