白雪和我: 返歸

返歸

我好快咁食左碟飯走人，差唔多成個碟連餐具食埋，爲左快啲脫離狗狗們的「親密」視線。

食飽飽做咩好？梗係偷開機啦。

本身諗住打，但諗起一樣野。

「言，過一過黎。」我係課室捉左阿言出來「黑帝最近有冇啲咩動靜？」





「暫時沒……」

「叮……」阿言電話響。

佢好快拿出來睇，之後話「去厠所睇，不得了……」

我地衝左入廁所，見到新訊息……

世界十大富豪之一李氏主席被暗殺，保安察覺不到的漏洞……





「言……呢個……」

「我同你諗嘅一樣，冇可能咁巧合，一定……」

「係黑帝！」我地異口同聲。

雖然有錢人總被黑帝描準，不過我地發現左一件事。

每戶有錢人家佢地衹會殺一個人，而黑帝嘅目標係我地，所以唔會殺我父母。





我放下父母這心頭大石……

「佢幾時比人殺？」

「大概十分鐘前……」

「頂，點解冇警察拉佢……」我抱怨道……

「人地話曬係一個強大嘅殺人組織，自然人嘅質素會比較高。」

「唉……又死多個……點好……」

「冇乜計……」

我地好頹咁返課室坐下打機。





我發現原來阿言認真嘅時候好型……

搞到我愛上左佢……玩下啫，I am not gay！

「樂仔……」心愉？

「心愉？咩事？」

「我見你病左陣，所以好擔心你……」

「唔使啦呢啲小雨點，小事啦！我大心臟！」

「冇事就好……」





「乖~」

我輕輕摸下佢個頭，引起全班注意，我立即收手。

過多左陣，又要上堂，幸好係體育堂，比較輕鬆。

直到放學，我叫佢三個去返錦英執野，我遲少少接佢地。

因為……我今日練波。

「隊長大人，你成個幾月冇練喎。」

「係？」

「點解之前失蹤？」教練問。





「兩舊腦血塊比較麻煩，所以去左外國整。」

「原來……仲以為你玩失蹤……」

野就講完，練左四十分鐘我走左，阿言同我一齊落山，爲引殺手出現。

可惜，佢地冇出現……

之後我地各走東西，我返錦英苑，佢返青山……Sor，係青衣。

我快速接佢地去我屋企。

「又坐的士？好貴……」林家姐妹好似怕破產咁款，而婷婷已習慣……







「咁多行李，的士方便啲。」

佢地乖乖地上車，我固然開心。

十分鐘後，我顯得更開心，因為我終於見到久違的屋企就在我眼前，等緊我入去。