[校園] 給我一個能留在你身邊的角色: 「零 / 十三」
天氣開始轉涼，我瞓係被窩入面挽電話，睇完IG上下Facebook。呀朗今朝應該曬過床單黎，好似有啲陽光嘅味道，好温暖。
電話突然間彈咗個whatsapp：
朗：喂行出廳呀！
我嚇一嚇，都唔知佢返咗黎。於是我走落床，行出廳。出面熄咗燈，枱面點咗枝粉紅色嘅蠟燭，呀朗行過黎，左手拎住紮滿天星右手拎住個盒，佢打開咗，入面有隻戒指。「嫁俾我。」我望住佢隻眼，見到佢又緊張又興奮，二十四歲人仲傻奸奸成個小朋友咁，心入面啲內疚又衝唒出黎。我將啲感情壓低，「好呀。」我望住佢個開心樣，佢攬住我：「我記得你鐘意低調，我記得你鐘意滿天星，我會令你幸福。」我攬返住佢，「多謝你呀，你俾我打俾你家姐報喜呀。」