他與她[校園] [愛情]: 第一章※啟章

大家好， 我叫呀秋，我係一個又矮又平凡嘅男仔， 絕無樣貌可言。


可以話係絕對絕對溝唔到女，亦都冇女要嘅男仔， 成績就普普通通啦，每日都係睇下片過日子。


算係有啲宅嘅，依家讀f.4， 渾渾噩噩就到左中四。


「 快啲起身啦，唔係遲到㗎啦」 阿媽又喺度催我。



啱啱抹大眼嘅我， 雖然係好攰，但一諗到今日仲要係新開學日，梗係唔可以遲到啦，先死死地氣起身， 快快趣趣食埋啲早餐，之後先返學。


之後我開行turbo,用九秒九嘅速度飛奔返學。


今日總算係無遲到， 我仲好期待今日添， 因為聽聞啲同學話隔離班有一個新插班生.......
「你終於黎啦， 乜你冇遲到咩?」 啊昇又喺度關心我。



「梗係冇遲到啦，聽聞隔離班新插班生好正喎」我話。

「聽人講好似係囉， 我都想識呀」 向來淫賤嘅啊昇， 又擺出佢個招牌淫樣。
新黎嘅個位插班生終於行到過黎啦，佢同我擦肩而過，行得好近我

係呢一刻，我個心「卟。卟。卟。」地不停係咁跳，令我異常緊張，但呢個唔係重點

個重點係

佢頭髮仲散發着一絲絲誘人的香味，好吸引呀！！！！



「嘩~嘩~」 我地班全部男人，就梗係不停昅新黎嘅嗰個新插生啦，仲不停咁發出叫聲，十足十求偶咁嘅死人款
佢地啲口水就嚟流到一地都係，真係好想行埋去泵死佢地班狗仔。
「唔錯，眼大大，平陰，鼻高高，仲幾有文青feel~典型女神樣呀。」我心諗

「不過我都溝唔到㗎啦，我都係算吧啦」




之後我就拿拿林準備一陣中文堂上堂要用嘅嘢，之後等上堂。