「叮噹,叮噹」,鐘聲嘅響起,意味著要上緊接着黎嘅中文堂,由於我地中文堂係要分班上堂,所以我就換到去隔離嘅B班上堂。


雖然話我平時都有同d女仔接觸咁(可能我比較有異性緣掛),但係畢竟黎到女神嗰班,係有少少淆底嘅


「我已經分好左座位嘞,你就坐新同學隔離啦。」Miss Ng 同我講。


「嘩,頂~ 點解Miss Ng 咁好嘅,竟然會將我編喺新黎個個隔離,爽啦今鋪!」




雖然話我個時係好無信心,連望都唔咁望佢,但係今次就可以攞正牌昅佢啦!不過我心入面又有d驚,不過是但啦,都算係有個機會可以直接又或者間接接觸到佢。
「好嘞,今日就上住咁多先,goodbye class。」


「Goodbye and thank you Miss Ng 。」


「咦,原來佢個名叫做"胡繡芷",個名都幾搞笑下。」我依家都總算係知道左女神少少嘢,總算無白費到今堂,之後我就好開心咁返左自己班。




搞到我依家都好期待下一次中文堂嘅來臨,好想有得快啲再見到佢。

而且我個人認為佢係我地學校中最靚嘅女仔,所以我已經將佢定左做我女神