<< 那年初夏，我們在微信釣的狗公 >> 再釣一次?: Part 2 序章 - 毒男天書

Part 2 序章 - 毒男天書



「唉 這些機會不是屬於我的…」


拎出自己部黃芒護目既Sony Z出黎，順手點下個whatapps出黎睇下，




『是咁的，邵獨藍，目前你沒有新訊息。』


意料之事，望下個置頂對話，原來對上一次同人聯絡已經係一個禮拜前，都係同Ｄ朋友吹水無意義既message。


「哈哈…」不自覺又望左下個mk，見佢仲係度同隻畜生傾緊今晚去邊度生蛋，真係hi auntie。


但係作為一個高登優質會員好快就放棄依Ｄ連5P都不如既念頭，以熟練既手勢點開一個名為『HKGolden』既apps以抒發自己今日第四十七次感到被世界拋棄既孤單心情…





咩話，你問我咩係高登?
高登咪就係當年仲係靚模既dada係第32屆香港電影金像獎獲得最佳女配角之後指名要多謝既香港網頁論壇囉。要知道人性係醜陋既，一個人紅左就好自然六親不認。但係由dada仲記得高登黎講，就足以見證高登人氣所在。…又或者DaDa知道方丈份人好向左走向右走「大方」唔得罪得，所以多謝左先啦。



黑底白字既簡單西歐風格，配搭各種性格鮮明既後現代流行表情符號，充分表現出高登獨特既潮流文化。冇錯，依個先係值得我生存既地方！係高登，我就可以做返真正既自己！唔駛理其他人既眼光，睇人既面色！係高登入面，我就係真正既邵獨藍！