Part3 序章 - 小毒男



邵獨藍,係我現實既名字,由於我係家中既獨子,老豆係一Q得男既精神狀態下就改左同「獨男」同音既依個名,意指獨生子。當然名字本身係希望我長大成人可以做過「獨」當一面,青出於「藍」既積安真漢子,而我又的確無辜負我老豆既原意,成為一個毒當一面既高登真漢子。


今年已經22歲,算係個大學生啦…邊間就唔講啦…廢事你地起我底就唔好啦…你話比D提示?高登仔共識入面最廢最垃圾果間算唔算提示?點都好啦,過埋下一年…就要踏入依個弱肉強食既生活,而回想過去生活,真係平凡到冇得再平凡…




可能連個天都唔鍾意我,係21世紀既現在,「毒男」一詞洐生並普及化,速度仲快向左走向右走過03年既SARS。我可以好肯定咁講如果毒男係一種病毒,我相信香港連宣佈疫埠既機會就已經淪陷左。

你可能會覺得我好Hi Hi,因為毒男文化同SARS依D絕症根本係兩種唔同本質既野黎,但我話比你知,對於本人黎講,毒男既普及化仲慘過我中左SARS訓住係瑪嘉烈醫院K block 7座14樓既隔離病房度渡過餘生,事關佢既後遺症,影響既係我既一生…

想當年,04年初既電車男效應迅速擴散,本人亦正式成為此效應底下唯一既犧牲者。果年我岩岩踏入中學,但係由於名字既關係,成為好多同班同學既恥笑對象…自問果陣仲係一個熱血既青年既我都開始慢慢失去自信。

當然,梗係會有D人係例外,而由小學時代就認識既「她」就係其中一個……










『下一站,荃灣,Next station Tsuen Wan,本班列車已到達終點站,所有乘客請離開車廂,多謝乘搭港鐵。』








「哇 吊 Hi Hi 中伏!」聽到廣播既我從睡夢中扎醒,望一望手機原來已經係傍晚六點。手機介面仲停留係【淫賤四眼大波妹巨乳人妻絕頂20連發辦公室纏綿無修正SOE-48】度閃下閃下。 唔知點解,望住個螢光幕,我打從心底冷笑左下。





「吊,又係個不孝子黎。」





順手快速鍵入” 今晚又要打搞伯母啦 sosad” 就快快手離開左。



 
已有 0 人追稿