Part 5 序章 - 狗公大作戰



「嘖一一嘖一嘖一一」嘶噪的蟬鳴聲,在耀陽西沉下顯得額外悲淒。



然而我卻無暇理會任何環境因素所帶來既干擾





因為眼前的一篇文章正衝擊我的眼簾———


【你正在瀏覽的主題為:【獵奇】扮靚女玩wechat半日 - 狗公大作戰】




屏住氣色,凝視著游離在螢光幕上的字句,心裏忽然好似有種東西要開始萌芽。



用現代術語黎講,你可以稱之為爆seed,但由於當時本人尚未完全掌握當時心態,又可能因為係平生第一次有咁既感覺,所以我會稱它為『seed。初爆』
『 你,是否玩pad玩到悶?

一齊黎玩「狗公大作戰」啦!

想組隊釣狗公可以pm wechat id, 有巴有絲,房位有限,花生無限

立即儲齊 - 你的狗公、狗乸



鐘意呃蝦條既Hi Hi狗公,小心啦 』



「立即儲齊你的狗公狗乸…鐘意呃蝦條既Hi Hi狗公…」腦海突然閃出剛才地鐵上那名mk既影子。



「哈哈…係你啦…哈哈…我終於搵到你啦!!」



有時人係一種好奇妙既生物,明明肉體上冇任何強化或僭建過既痕跡,又冇比變種蜘蛛咬過,食錯果實變膠人既經歷,但係打從心底卻湧現一種前所未有既衝動同激情。要形容依種感情,就好似有一日你汁到一本筆記,又有個淨係識得食蘋果既死神出現同你講「巴打 我見你骨骼精奇 一睇就知你係個練武奇才 依家我比本秘笈你 你可以打遍天下無敵手啦」你,會有咩感想? 無錯,你將會進入八奇思考既第一步,





我最期待既畫面終於出現了。



「哈哈…有左依個wechat…我可以!只有我來做了,因為只有我先做得到,一切就如我所料…我先係正義!狗公正在泛濫,世界正在腐敗,我要打救依個世界,肅清所有狗公!我要建構一個沒有狗公既世界,我將成為新世界既神!」



那天傍晚,我有如青山醫院開放日的貴賓,認為自己就係被選中既細路…唔係…係青年先岩…

而我從沒想過當時既依個決定將徹底改變了我往後既人生…



又或者咁講,由那一天開始,我唔再係邵獨藍,而係沈嘉儀。



 
已有 0 人追稿