<< 那年初夏，我們在微信釣的狗公 >> 再釣一次?: Part 6 第一章 - 另一張臉

Part 6. 第一章 另一張臉



回到家原來已經七點半，因為係地鐵訓鬼著左既關係，原本住係荃灣西既我，錯過左美孚轉乘西鐵既時機，唯有戇傻的嗎勁咁由荃灣行返過去啦，咁又浪費左我半粒鐘，唉真係好向左走向右走嬲。





當然Ｄ半個鐘既路程並唔係白費既，我已經全面建構出我體內既另一個人格，由外貌，人品，性格甚至乎連家庭背景都全面FF完成。



「名字 : 沈嘉儀

性別 ：女



年齡 : 16 (中四程度)

性格 ：性格乖巧純品，怕羞內斂，不吃人間煙火，只靠餐風飲露維生，因為係女神既關係，所以唔會排泄。 」



「我果然係個天才…依加只係差最後一步，我作為沈嘉儀女神降世既一刻就黎料！」而所謂既最後一步，當然就係最關鍵既—「相呢，暗戀Auntie」





冇錯！係高登仔既世界，任憑你自己勁吹自己個女神有幾向左走向右走靚，幾大對波，幾白滑既肌膚，冇圖冇真相，你話你係Ashly Chan都得啦！冇相既最後只會連累老母被淫輪既結局…



所以返到屋企既第一步就梗係尋找一個我心目中FF出黎沈嘉儀既面孔。



「老豆，唔好怪我啦，我有遠大既抱負，為左依個理想，我不借犧牲作為男兒身既身份啦。」 例牌對住老豆個神主牌餵返三支香，希望佢老人家保佑下我啦。

記憶入面，老豆係我小二果年就離開左，而我細細個就比老媽子灌輸「大個要擔起頭家啦，唔好好似老豆咁，拋妻棄子就走左去」。所以無論我幾向左走向右走憎自己個名都好啦，始終係老豆死前唯一留比我既野，當下繼承佢遺志又好咩都好啦，作為一個孝感動天既高登仔冇諗過改過個名，唉，人生真係好矛盾。



以熟練既手法用0.5秒快速打開電腦，再係電腦歷時43秒載入系統既時間內同時進行除鞋換衫沖涼煮飯晾衫，一切準備就緒！



當以為一切盡在自己掌握之中既時候，點向左走向右走知個IE load到佛誕都未load到出黎…



「好，黎料啦黎料啦。」對住load向左走向右走左半個鐘之後終於load到yahoo出黎既IE，原來興奮同傻的嗎一樣可以無極限。



係依個moment，如果你係我，你會選擇以下邊個途徑去揀你既「沈嘉儀」出黎呢?



Facebook? Instragam? Google大神定係J圖雲集既無名小站?





不論你既選擇如何，但係我既選擇改變左現實既「邵獨藍」同WeChat既「沈嘉儀」既命運，當然依Ｄ已經係之後發生既事…