<< 那年初夏，我們在微信釣的狗公 >> 再釣一次?: Part 31 第四章 –小丑的公式

Part 31 第四章 –小丑的公式


「喂～半粒鐘已過，十二點正啦！唔好以為Kate唔係度就可以無王管咁！」

不差一分一秒，手機就來Joey的集合通報…真係仲慘過軍訓。



「一、二、三、四、五、六、七、八、九，十…好，到齊！」



其實所謂既集合，只係係個group度say聲「hi」。所以潛水無視佢都不失為一個方法。



「你地唔好諗埋哂Ｄ無謂野啦，訓練入面我會隨時向你地問問題，邊個係五秒入面答唔出既…就講定bye bye啦！」……果然無咁容易。



「訓練其實都係好簡單架姐，所以大家唔使太過擔心———」相比Kate既「演講」唔同，Joey既態度令我覺得係「勁吹」，令其所說既欠缺說服力。





「———所以呢～妳地釣厹千祈唔好動情心軟，務求盡快將佢地引出黎～知冇？」根據Joey既說法，我地釣員既任務就係令主動上釣既「厹」自投羅網；由於我地係處於被動既一方，原則係以守為攻，所以只要佢地係「清白之身」——冇對我地產生任何歪念，釣員既存在係唔會對佢地究成威脅既。簡單Ｄ咁講啦，我地既能力就好似古勒比加咁，只會對身為「幻影旅團」既狗公們有攻擊力，絕對唔會對普通人落手。…不過用得WeChat識女仔既，都唔慌係好人；根據Joey從前釣厹既經驗黎講，WeChat既厹比率高達1:99，姐係基本上好似你行出街，100個入面有99個都係幻影旅團既人，個比例諗起都覺得嚇死人啦…



「我想問呢…你話要盡快將佢地引出黎係咩意思？」Tomo好奇咁問，我冇睇錯人，佢果然係一個認真既絲打。





「就好似字面上咁解囉～將佢地由「狗竇」釣出黎，越遠越好～你技術夠好既，由荃灣釣到去柴灣都得——」



「咁盡快又係指幾耐！？」Monico急不及待衝口而出。



「依位同學好似好心急喎～」Joey擺出竊笑般的咀臉



「我黎講既話…大概兩個鍾以內到啦，以你地黎講…一日左右就差唔多啦～」





！？



「一日…！？」



太…太快啦掛？



對著素未謀面又毫無感情基礎既陌生人點可能會成功約到出黎…！？





我望住mon入面Joey既訊息，我望唔透。