Part 32 第四章 –小丑的禮物


「Σ(O口O |||)︴咪系囉!咁同叫人全裸拍埋段video比你睇有咩分別?根本冇人會甘傻豬囉!!」我第一次認同Melody既說話,叫人全裸拍video咁白痴既穚段擺明係想勒索你啦!點會有人中計?我諗去到2046都唔會有咁既新聞出現。



「一日好足夠架啦,你地到時就知。你地要記住『厹』雖然同我地都係男性,但係唯一唔同既係我地係有「理性」既人,而佢地只係一班被「獸性」所操控既畜生,係兩種唔同次元既生物~」





「係兩種唔同既生物…」明明Joey既「狗公論」同佢今日所講既完全相反,但係Kay竟然毫無反駁。



「其實我呢…現實係一個巴打…」luvtan選擇公開自己性別。



「我好認同Joey所講我地同佢地唔同!因為我地係有「理性」識尊重女性既男人!」luvtan好似豁出去咁講。老老實實,作為男性既我聽到佢為左捍衛我地男性立場既依番勇氣,真係感到有D唔好意思…真係想講句「吊!講呢喲」去掩飾依一刻既尷尬感。





「…」好似若有所思咁,Kay冇作出任何回應。唔通佢同Kate今朝既衝突產生左影響…?



「係啦~係啦~所以你地千其唔好以正常人既角度去睇佢地。有時侯佢地仲會以你意想不到既手段向你地撲埋黎添~呵呵」彷彿隔著個mon都感受到Joey低沉而狡猾既笑容…





「咁面對佢地既襲擊…我地有咩手段可以作出反攻?」Monico思緒終於冷靜落黎,開始為應對厹既下一步作諮詢。



「呵呵…放心啦~為左你地可以旗開得勝,我一早準備左神。秘。禮。物~」 Joey答道。


不久,螢光幕傳來了四張撲克牌的圖片———


『J』…『Q』…『K』仲有『A』。


和普通的撲克無異,圖片上的全都是最傳統基本既樣式。





「那萬眾期待既問題要來了啊~」Joey正式向我們作出第一道問題。



「請你們…選擇以下其中一張圖片。」



「唔可以貪心架!每人只可以選擇一張,選擇好就請以個人對話回覆我啦~呵呵。」


Joey狐狸般的笑臉再次呈現我的眼前。




那麼...接下來我應該要選哪一張呢...?
 
已有 0 人追稿