<< 那年初夏，我們在微信釣的狗公 >> 再釣一次?: Part 50 第五章 – 六年後的我們

Part 49 第五章 – 六年後的我們


「所以...你放棄了？」 柒龍乾巴巴的張大眼睛盯著我說。


翌日早上，我把我昨夜的想法一五一十告訴了他。





「嗯，放棄了。」



「不後悔嗎…？」



「…可能吧，但這不是我能決定的事。」





我很明白這件事不能怪是誰的錯。當初阿怡遠赴英國，如果我能主動一點，也是有辦法從伯父母身上拿到她的聯絡方法。然而我卻沒有這樣做，就因為那些無謂的自尊心。一位我十分敬愛的作者曾說過「感情往往是由年嘅單位去建立，卻會以秒嘅單位被摧毀。」六年前既決絕，中斷了我們往後的聯繫，到現在知悉她回來的事實才試圖力挽狂瀾，我會不會太過自以為是呢？這種自私的想法早應該拋諸腦後。



「尋日見你仲咁積極…估唔到一日就收哂皮…點都好啦…I know that feel，bro」從Seven龍身上感受到一絲憐憫，但比憐憫更多既係對單身同伴歸來既親切感。





「六年咁耐，正常女仔都會拍拖架啦，仲邊會有女仔咁低b等你，你要知道女人既保質期係好短！你只係咁岩miss左佢既『最佳食用時期』，要怪就怪個天啦。」Seven龍一句似是而非既安慰令我哭笑不得。



「Stop la啦…講到我好似狗公咁對佢虎視眈眈…」



不經不覺已到了中午的lunch time，我地同阿彤阿雯會合就去左carteen大快朵頤。

一如以往既閒話家常，看來他們也忘了昨天Melody的騷亂…


雙方的距離越接近就越難學懂好好珍惜，到了有天兩人距離越來越遠才後侮莫及。



可能人真係要去到失去某位最重要的人和事才會學懂如施道理。



「係呢？阿藍，Seven龍話你放棄搵返你個青梅竹馬係真架？」阿彤以詫異既眼神望著我說。


「有冇check過佢依家男朋友既fb啊？知己知彼百戰百勝喎！」阿雯好似替我唔抵咁講，整個午飯時間一直勸我將阿怡「搶」回來。



「我決定左就唔會改變。」我輕輕一笑帶過。


因為我很明白，再糾纏下去既結果都係一樣。



阿怡能夠放下過去迎來新生活，而我在她生命就只能充當「過客」的角色，如果我再不知情識趣的滲和著她現在的生活，我和她永遠也只能困在過去的囚牢中而不能展開各自人生新的一頁。



我已停滯了六年時光，要糾纏的也已經足夠了，她現任男朋友是誰我也沒打算再追尋下去。



放學的時侯我在校門碰巧遇上了阿朗，每每看到他就會想起當初我，阿怡和阿朗三個人在小學操場內喧鬧的日子——



「Yo，原來你仲未死。」我爽快的從後拍了一下阿朗的玉背。





「Oh，my brother。好少見你咁開心…發生左咩事？」阿朗對我突如其來既問侯感到驚訝。



「冇野，只係諗通左Ｄ野姐。」



「哦…係咩…係喇，阿怡佢返黎之後有冇搵你啊？」



「有冇都唔緊要啦～我已經冇所謂啦」





「…」阿朗閃出一臉茫然呆滯既表情，可能對著我既灑脫感到不解。



「真係唔駛同我擔心喎，I am very fine。」