陸行貓的毒撚溝女日記: 序言

寫在前面。
或者呢篇文章，可以俾到類似我既毒撚或者前毒撚少少啟發。

我曾經係一個毒撚。不過而家，雖然我既生活習慣完全無變，但我覺得我開始逐漸脫離毒撚。
我以前問過，係咪有女就唔叫毒撚。
有好多人答左我，唔鍾意出街，鍾意ACG等習慣叫做宅，唔係毒撚既必要條件。識得同女性交往，就唔叫毒撚。
恐怕以上都只係毒撚外在既表現。

毒撚心態先係最核心既核心價值。
毒撚有女，佢仍然可以存在毒撚心態。


不過必須承認既係，隨住同異性既關係延續落去，毒撚心態就會愈黎愈少。
前提係佢係脫離毒撚之前無分手。
唔係個個女性都忍得到毒撚。
自卑既人真係好惡頂。我睇返自己過往講過既野，如果我係女，我絕對無任何耐性係呢種人身上浪費時間。

但而家我不再患得患失。
唔再因為見少一次兩次就缺乏安全感。
唔再因為對方一次半次選擇優先花時間係其他人身上就吃醋。
唔再因為小小理念上既衝突就吵大獲。
唔再因為嬲左人就扮唔理人等人地率先黎道歉。


唔再因為唔記得左節日同生日就認為對方唔在意自己。
唔再自作聰明，因為一兩件事就以功利角度判斷對方唔愛我。
唔再為左感動自己而戲劇化同美化自己既毒撚行為。

但擺脫以上習慣，我用左六年。
我已經唔再執著於情感上既糾紛，對關係有充份自信，並專注於自我實現。

毒撚行為，例如死纏爛打同自我麻醉，只會感動到毒撚自己。
我付出左咁多努力追一條女，而佢完全無視我，我真係好悲情。
相信我，無咩女人甚至男人會因此願意同情你。



阿魚雖然係女仔，但一直比我有男子氣概得多。
我同阿魚都並非完美，但我地一直互相自我完善。

但慚愧，我係一個意圖追阿魚既人身上，見到自己既影子。
果陣我先知自己有幾噁心。

Nobody owe me a reason.

引用一段話。
我們終將回來，慢慢走過長街，看年輕人在球場上奔跑。
我們在海邊徜徉，看陽光中的跳水板閃亮地伸向空中。
我們在松林間漫步，讓厚厚的落葉收藏我們的足音。
然而，這都是遙遠的未來之事，現在，我們走出家門，走進動蕩的世界，走出歷史又走進歷史，去承受時光的萬劫不復。
《國王的人馬》



要清楚自己既定位，唔係一件容易既事。