【小喬初嫁了】初戀女友結婚前的一場鴻門宴: 第三十一章

此刻我內心就好像演戲一般，有一隻天使和惡魔在我耳邊不斷說話，挑釁我作出行動。




「拎啦，拎嚟睇下啫，佢都唔知嘅。」魔鬼說。






「唔得，哩個係個人私隱嚟架嘛。」天使說。




「而家係懷疑佢啵，當然要睇啦。」






「你睇，咁你即係唔信佢。」




「如果無做，怕咩畀人睇？」






「信任一經行動破壞，就好難修復。」




「而家睇，係幫緊佢澄清事實真相呀！」




「唔係，你係滿足緊自己欲望。」






「你唔睇，根本都唔會心息架啦。」




魔鬼的聲音實在太大，蓋過一切。




那時的我想，內心的恐懼，要用魔鬼的方法才能解決。






這是我第二個後悔的位置。




最終，我還是拿起她的手機，按回電話記錄那裡。




呼吸急速得有點不正常。






最新的一個電話記錄，撥打者......「乖仔」的名字，出現在我的眼簾。




「果然。」我說。




得知到這個事實的我，反而平靜得很。






內心不再感到害怕，反而是一陣憤怒充斥內心。




張彩悠回到房間後，望見我拿著她的電話。




「做咩？」




「哩個係咩嚟？」




「咩？你睇我電話？」




「係，如果我無睇，我就一直蒙在鼓裡！」




「你誤會......」




「你係咪有同佢出街？」




她抿嘴不語，好像有口難言。




「你係咪有同佢出街呀？」




「係，不過.......」




「點解妳可以咁！」我把電話握得緊緊，似乎它才是罪魁禍首。




「你聽我講先......」




「唔洗！唔想！」




我直奔出門口，下樓後還是一直，好想逃避，逃避不想見到她。




我感覺我自己是一個傻瓜。




她和另一個他，背後一直取笑自己。




跑到完全沒有氣，我大聲地痛哭出來，哭得不能自己。




這時，有一個來電。




我沒有理會它。




直到第二次，我才接聽。




「喂？」












愛情小說總是吿訴人相戀伊始的美好，卻不曾教人如何相處。