【小喬初嫁了】初戀女友結婚前的一場鴻門宴: 第三十二章

「喂，阿鹿？」




是程詩柔的聲音。






「......」我發覺我無法說話。




「喂阿鹿，做咩呀？」






「......」




「咁你講你係邊，我嚟搵你。」






「......」


「阿鹿？」




沉默良久後，我終於開口說：「海旁。」




大概半個小時後，程詩柔就來到。






看見她喘氣而來，我心就感到愧疚。




「對唔住。」




「做咩事呀？」






「我.......」




「算啦，你唔想講可以唔講。」




她就默默地坐在我身邊，陪我望著大海的浪花淺起再平復。






「每次望到海，都會想跳落去。」我說。




「傻架咩，凍死你。」




沒有太多的語言，就靜靜地相伴。






直到太陽都完全消失，藍色的海都開始變成墨黑色。




「你有無試過......」


我開口說，把剛才發生的事都吿訴程詩柔。



她聽畢後，拍一拍我的肩膀說：「無咗哩個咪搵過另一個囉。」




「無心情呀。」




「好快就過，放心啦。」




「真係？」




「無錯，信我啦。」她拍拍心口保證說。




「但我係咪應該聽佢解釋？但我又已經唔想再見到佢。」




「如果唔想，就無謂勉強。其實.......」她神色有點難為：「仲有好多野無同你講，不過勸你都係唔好知。」




她這樣一說，使我的心更下沉。




「我會幫你，放心。」她在我耳旁說。




這樣的一句，讓我更安心。




好像從未見過這樣溫柔的程詩柔。




「程詩柔，原來你都可以咁溫柔。」




「去死啦你！」




「如果我話今晚唔想返屋企，你會唔會陪我？」