【小喬初嫁了】初戀女友結婚前的一場鴻門宴: 第三十五章

「吓！入咗醫院？係咩事？」我問薯條。
 
 
我記得那天，已經連續下了三天大雨，濕潤灰暗的天空讓人好不舒服。
 
 
「好似係急性病。」薯條說。
 
 
「好嚴重架？」


 
 
「我點知啫，我都係聽人講，想知就自己問啦。」薯條說。
 
 
我問？
 
 
他見我沒有說話，就繼續說：
 


 
「我聽聞佢要趕住做手術，你話呢？」
 
 
「要做手術？幾時？」
 
 
「聽日。」
 
 


「咁急？」我腦海頓時一片空白，呆了數秒後才問：「咁佢係邊間醫院做手術？」
 
 
「我話咗啦，其實我知得唔多，你點解唔自己問？」
 
 
我望著自己的手機，薯條就順著說：「唔係哩啲時候，仲要記較邊個先後呀？」
 
 
因為他這句話，我就下定決心。
 
 
寄了訊息給張彩悠。
 
 


我真的沒想到她會有這麼嚴重的病。
 
 
而當日的另一天，就是數學的考試。
 
 
我在家溫習時，心裡仍是很掛住張彩悠的病情。
 
 
一個人在醫院必定是很害怕......
 
 
不知道她有沒有書看，可以解悶？
 
 


我查看手機，已經三個小時了，還是沒有回覆。
 
 
難道她已不想回覆我？
 
 
不不不，明天是數學考試，現在不是想這些的時候。
 
 
專心溫習，先把試考好，這才是最重要的。
 
 
咬緊牙關，我死死地氣拿起書繼續溫習。
 
 


突然電話響起訊息的聲音。
 
 
我馬上趕過去查看。
 
 
原來是推廣優惠.......
 
 
直到晚上，我終於收到她的訊息。
 
 
「我無事呀，只係等緊做手術。多謝你關心。」
 
 


謝天謝地，她還是願意回覆我。
 
 
「妳到底係咩病呀？」
 
 
「我都唔清楚，不過好似係個腦有事。」
 
 
「點解會咩病都唔知.....」
 
 
我問了她做手術的時間和醫院，可惜的是，當時就是碰上我考試的時間。
 
 
我們用訊息聊了會天後，她就沒有再回覆我。
 
 
大概是太累要睡吧。
 
 
直到明早起床，查看一下電話，沒有任何的訊息後，我收拾好文具和考試用具就出門去。
 
 
我到了學校繼續溫書。
 
 
張彩悠......也差不多做手術吧？
 
 
夠鐘進入試場，收拾好東西，準備派試卷前一刻，我才想起我的電話還未關。
 
 
已經到了派卷的時間，我趕緊伸手進褲袋時，忽然震動起來。
 
 
我把它拿出來，果然是訊息。
 
 
「阿鹿，我知道呢刻你應該係試場奮鬥緊，隔了幾個鐘之後先睇到呢個訊息。
 
 
其實我只係好想同你講，我好驚。
 
 
腦海中不斷諗起你，好想見到你。
 
 
我又諗，如果手術失敗，咁會點？
 
 
結果好多野想同你講，想同你講，雖然佢搵過我好多次出街，表過幾次白，但其實我都拒絕咗。
 
 
至於出街，係我唔小心畀佢呃出嚟，對唔住。
 
 
如果你係度咁幾好.......我講下啫，加油呀。」
 
 
那刻的我沒想太多，當著全場考生和監考老師的面前，拿起袋，往外就跑。
 
 
我還聽到後面有人大叫：「喂！開考啦！」
 
 
我沒有理會，拼命地、用盡全身的力去跑，跑到大街後便截了的士趕去醫院。
 
 
她需要我。
 
 
流著大汗終於去到醫院。
 
 
「姑娘！我想搵張彩悠嘅病房！」
 
 
衝到她的病房前，坐在床上張彩悠目睹我的出現，嚇了一跳。
 
 
她的面色蒼白了許多。
 
 
「你......你唔係考緊試架咩？」
 
 
「妳瘦咗好多。」
 
 
「你唔係考緊試架咩？傻咗咩你，考試咁重要你嚟做咩？」她再問。
 
 
我望著她的眼睛說：「考試係好重要，不過日後仲有好多次機會考，但陪妳，只有今次。」
 




 
唯獨妳是不可取替