【小喬初嫁了】初戀女友結婚前的一場鴻門宴: 第四十章

其實會考過後，成績預期中理想竟然比我預期中理想。




只是因為數學不合格關係，原校不願接收我，最後我升上另一間學校的中六。






薯條呢，混混混混噩噩的他，也讓他夠分上中六。




我們從此就分道揚鑣，中六開學後不久，我們相約出來，薯條說：「即使另一間學校我都仍然好掛住你架。」






「原來你講野可以咁肉麻架？」




我聽不慣肉麻的說話，不過唯獨那一次。






「你走咗，都無人同我搞事，好悶呀！」他雙手舉天大吼，然後拍拍我肩膀說：「以前同你一齊搞事、玩人、偷睇女仔嘅日子真係最開心。」




「仲掛住搞事，陪多啲女朋友啦。」
　


自從上次的事後，他就真的成功追到劉嘉彤，跟她在一起。




當然他不會知道，我跟劉嘉彤說過的話。






他一直都以為是自己的魅力吸引劉嘉彤。




「我同佢感情好穩定啵，甜到漏油。」


 說到這些事上，他就神氣無比。





「聽住先啦。」




他由驕傲的表情，變回認真的樣子說：「其實佢一直都有問我。」




我沒有回應他，他繼續說：「你真係唔搵返佢？」






他見我仍然不說話，就道：「佢好似真係好鍾意你咁......我覺得......」




「無可能啦。」我截住他的話。




是真的沒有可能。






「咁你話點咪點囉。」




我當然知道她有找我。




電話；信箱；朋友，甚至家的門口也見過她幾次。




只是看見她，我就沒有過去。




中六那段日子，人在孤獨中渡過，沒有認識太多新朋友，也沒有新戀情，在外人眼中，我大概是一個自閉的人。




我是太累不想處理人際關係而已。


辛辛苦苦唸完預科，我還是跟大學無緣。




薯條則進了數學系，之後還到外國留學。




到送他機的那天，在機場中，我望著這個認識多年的朋友要走了的時候，內心真的有許多不捨。




當然不及劉嘉彤哭得厲害。




「唔好唔記得我呀。」




「努力讀書啦你。」




「你都要加油。」




「我會為嗰一個目標努力。」






臨入機場前，他給了我一張支票，一萬元的支票。




「當我入股，我要做大股東。」




「咁少，你做到股東都偷笑。」




他就這樣走了，把我最好的友情也帶走了。
漫步著，我又回到剛才餐廳裡，場內的客人已經不多，只剩下一兩枱，其餘餐廳的侍應都準備著清場下班。




阿明就坐在其中一桌子上等著我。




「今日辛苦你啦，嗰個女仔啲錢......」我走過去說。




「你辛苦啲，啲錢搞掂啦。」阿明笑說：「反而係你。」




「我？」




「點呀感覺？」




「咩感覺點？」我不明白阿明的問題。




「扮咩野，睇得出你個樣仲好在乎人，但新郎哥唔係你啵，一定唔開心啦。」




「只係前女友啫，佢幸福我都好開心。」




「佢男友又唔係衰嘅，係小器啲，不過都算錫佢。」




聽到這裡，心抽搐了一下。




「我都睇得出。」




「你無野？」




「我有咩事啫。」




「係無事就最好啦。」他雙手交叉放在枱上，頭靠緊說：「不過我都好想知，到底你地點解分手架呢？」



 電話忽然間震動起來。




是張彩悠傳來的訊息。




我考慮了十秒，才決定打開這個訊息。




「對唔住，頭先失態。仍然希望你嚟我哋婚禮，同埋......多謝你哩隻粉紅色嘅手錶，好鍾意。」




「喂！」阿明在我面前揮一揮手說：「唔好呆住先啦，到底係點？」




「無乜特別。」




「我想知嘛。」




餐廳的場內，客人都走得七七八八，侍應們已經打點和清好場地。




他們換好衣服後，便關上大部分餐廳的燈，然後走過來，對我說：「咁我哋走先啦，老闆。」




他們離開後，我繼續說：「都係嗰啲野。」






其實，許多時我也在想，如果我不曾出現在妳的生命裡，那麼有多好。