「媽,我返黎啦」

由細到大我阿媽都話翻黎一定要叫人,有時我真係唔明點解要咁做

每日翻黎都係佢開門比我,咁佢都知我翻左黎嘎啦...

仲要因為我間學校係九龍塘,所以我一放學我老母就要我打比佢話佢知我以家翻黎

所以真係唔明點解日日翻到屋企都要叫佢 



「仔仔返黎啦,今日翻學翻成點阿?有無又比老師話阿?」

「無」....

「肚唔肚餓阿?洗唔洗阿媽煮個麵比你食?」

「唔洗啦,媽我翻左成日學,今日又係星期五,我想翻房訓下,食飯個時先叫醒我啦」

正上我行翻入我自己間房個時.....



「有人係你間房等緊你阿仔,你快D入去啦」

間屋而家得我同阿媽,點解會無啦啦有人係我間房到等我?

不過我都係無錯諗太多, 行左入我間房到 

入到去我間得一百呎ge房裡面,只係見到我阿爸坐左係張床上面

「仔,翻黎啦」



「老豆..如果我唔係翻左黎屋企,你點會見到我阿?我又唔係鬼....」

「得啦得啦,你坐底先」

之後佢就繼續講

「其實我知道你係呢間學校一直成績都唔好,朋友又無幾個」

「.....」

「我已經決定左送你去美國讀書,所有文件上ge野我都已經幫你處理好曬」

我成個人o晒...隔左半分鐘我就同佢講 

「喂....老豆......今日唔係愚人節窩,你唔好再係度講笑啦」



「我無講笑,你自己睇下」

佢就拿左張入學Accepted letters  比我,裡面ge第一句係

「Thank you for applying our College. We are happy to inform you that, you.. yi qian Wong has been accepted to Seattle Central College.」


但係點解我無考過任何入學試佢就可以收我?如果老豆知我係香港呢間學校讀得唔開心,點解唔早D送我去外國讀書?

正當我有一百萬個問題想問佢個時

「喂Steven....係...係....好,我以家翻黎公司睇一睇」

「喂老豆」



「仔我知你依家一定有好多野想問我,但係公司出左D問題,我要翻去睇下」

「阿係...唔記得話你聽...你下個星期二,2月24號就要走」

之後佢就一支箭咁走左,留低一百萬個問題比我自己一個係間房到諗

不過可能我真係太眼訓,唔夠5分鐘我就係張床度訓著左......

 
已有 0 人追稿