那一天，我再遇上了妳: 準備

就係咁，老豆之後個幾日都無翻過黎

我老母話佢去左美國搵個廠家，所以之後個幾日都見唔到佢

唉...都係唔好講佢...我而家自己都未搞得掂

都唔知咩料，星期五講我聽下星期就要走

當我仲係張床到自己係咁諗個時，突然有人好大力咁敲我門



「仔仔，起身啦，而家都就快十二點啦...今日仲要同你去買D日常用品，等你可以去到美國有得用阿」

 「.....知啦老母，比五分鐘我，我準備下，之後就可以出去啦」

之後我就打開左我個櫃桶，拿左件U記ge上衣，同埋Bossini  牛仔褲

換好衫之後，就同老母出左去MK買野

因為我都唔係好鍾意Shopping，所以每當我老母入去一間店舖想買野個時，



我都會同佢講 「你幫我確定買咩啦，我係門口等你 」

所以過左兩個幾鐘，我地好快就買晒去美國我需要ge野

「仔，我好肚餓阿，不如我地去隔離個間茶記食下野啦」

「老闆，唔該兩碗雲吞麵走蔥阿」

「仔仔，其實我都知要你過美國呢件事係黎得好特然，你都可能仲未做好心理準備過去，但係你要記住，爸爸媽媽都係想你可以得到最好ge教育，所以先會有咁ge決定」



「咁點解你地唔早D話我聽，我肯定你地唔係琴日先確定送我學外國讀書？」

「兩碗雲吞麵到」...之後我阿媽就繼續

「我地唔係星期五知，但係聽你老豆講佢都係上個星期先知道」

「咩話？？？？？一個星期前先確定？阿媽你唔好當我係三歲細路仔啦！」

「仔，你唔好咁激動住...你記唔記得你阿爸公司有個員工叫Steven？佢老婆原來係Seattle Central College股東...而上個星期你阿爸就偶爾咁同Steven 講1起你讀書個情況，之後佢就話佢有個好主意，只後你老豆就收到信話你比間學校收左 」

「不過點解...」

「唔好不過又點解啦，你問夠啦，你阿爸其實話唔比我講你聽，不過我係見你呢兩日個樣啦口啦面咁，我唔隱心見到你咁所以先話D比你知」

佢都講到咁咯，我未只好唔再問，雖然我仲係覺得有D古怪，但係佢地唔講我都無計嘎啦



翻到屋企已經六點幾差唔多七點

所以我確定暫時唔諗，訓下覺先，訓醒先算