好快就到左星期一

同平時好唔同ge係,我無再訓到十一二點先起身

反而自己七點鐘就起左身,去左翻學校搞退學

去完學校辦事處簽左幾個名同搞埋D手續之後,係學校大門口我就無意中聽到幾個隔離班geMK仔係度好大聲咁講

學生A :「喂喂喂,你有無聽到,隔黎班個個王X軒退左學」



學生B :「早就知佢屋企無錢嘎啦,退學有幾奇?」

學生C:「未係咯,個個死窮撚根本就唔屬於呢到,係佢一直想高攀我地姐...不過睇怕佢都係高攀唔起嘎啦」

如果一般人聽到呢段說話,一定已經開左片

但係,經過九年的訓練,呢D人已經聽慣見慣,所以我而家已經可以當佢地耳邊風,一D都唔會發脾氣,亦都無同佢地講野,我就翻屋企

翻到屋企,只係見到我阿媽係度幫我收拾緊行李,我都仲係見唔到我個死人老豆,唔通佢送唔到我機?



「先生,我已經幫你check-in 左你ge行李,你其實已經好遲check-in, 所以麻煩請你而家去 customer clear 之後到Terminal A 二號gate上機」

你有找幸福的自由 我未夠他得天獨厚 我也想對我這塊鏡擲石頭....

「喂仔,有人打比你窩,快D聽電話啦」

「喂...?」

「仔阿,老豆阿,對唔住阿,早幾日我公司有事,所以好匆忙咁走左」



「....」

「不過唔緊要,反正我而家都係美國開會,所以我一開完呢一連串ge會議,我就飛去西雅圖見你」

所以話老豆真係老豆,次次都有新主意,次次都係自作主張,神神化化...真係唔知佢公司班員工點樣可以對住個咁ge老闆幾十年

「好啦好啦,唔傾啦,我要繼續開會啦...係窩,你阿媽有無同你講以前讀你間學校個個Emily 原來佢都係一年之前去左你而家要去個間Seattle East College 讀...」

「老豆...邊個係Emily? 仲有係Seattle Central College唔係Seattle East College 阿老豆」

「係啦係啦,佢會係西雅圖機場等你....」

「喂老豆邊個係Emily阿?你仲未話我知」

「du...du...du....du..」



屌,老豆連再見一聲都無就cut 左我線

「仔,你快D去搭飛機啦,無時間啦」

係窩,差D唔記得要趕飛機

「再見老母」

「你自己小心D啦,到步後就打個電話比我啦,記住阿」

就係咁,我係飛機前的最後一分鐘下上左飛機

但係到底邊個係Emily呢?明明老豆都知我係間學校就無咩朋友,點解佢會搵到個個Emily黎接我?點解阿爸又會知佢以前係讀我間學校?佢到底係唔係又係我阿爸公司員工D仔女?定係佢只係我阿爸請專門要係美國知道我一舉一動ge人?



越諗越唔對路...夠竟個個Emily 同我有咩關係?



 
已有 0 人追稿