那一天，我再遇上了妳: 百貨公司

你有找幸福的自由 我未夠他得天獨厚 我也想對我這塊鏡擲石頭....

邊撚個晨咁早打黎阿...我決定唔聽...繼續訓....不過隔左唔夠十分鐘

我個電話又響起....屌...邊撚個阿又...

我：「喂...邊位阿？」

媽：「阿仔....阿仔...聽唔聽到阿？...你又話到左打比我ge？個邊凍唔凍阿？」



係窩，到左之後都唔記得打比老母添

我：「好凍阿呢邊，但係我有著夠衫，所以都okay 阿..」

媽：「你老實D講，係唔係掛住同個兩個女仔傾計，唔記得左打比自己阿媽？！」

我停左一停，諗左一陣，又真係窩，諗番以前就算以前點樣忙都好，我放學個時都一定會打比老媽

但係今次真係完全唔記得左件事，同佢地一齊真係好舒服，好似搵到真正ge自己，同埋好似第一次我可能搵到可以交心ge朋友咁



佢地其實就好似我已經識左好耐ge朋友咁， 不過我緊係唔可以咁講

我：「................」

媽：「唔講姐係啦，衰仔...去左一日都唔夠已經唔記得左阿媽，如果去多幾日，係唔係連屋企住邊都唔知？！」

我：「唔係唔係...咁阿媽，我而家未同你講緊野咯，係唔係？」

媽：「下次你試下唔記得打黎阿，我就飛過黎搵你！」



我：「知道老母」

媽：「你阿爸應該遲D會打比你，你自己小心D啦，我要出去同朋友食晚飯啦」

係窩，香港同我而家呢邊差12個鐘， 之後就收左線

各....各...各...

Emily：「阿軒，Good Morning！我可唔可以入黎阿？」

我：「嗯」

Emily：「阿軒，我已經整左breakfast 比你啦， 你快D起身出去食啦！」

我：「喔...好阿...」



之後我就好快入左去刷牙，出到客廳之後，我就見到一份已經食完ge早餐同埋一份未食過ge早餐

我：「Kristy....呢？」

Emily：「佢去左番學阿...今日係Wednesday, 又唔係weekend, 所以佢未要番學咯」

我：「咁點解你唔洗番ge？ 佢番邊間阿？」

Emily：「佢未番 Seattle Central College 咯！Every  Wedneday 我都唔洗番，我編D堂只有星期二同埋四先要番學」

我：「係窩 Emily， 我無美國ge電話卡，又無沖涼ge用品，如果你今日得閒ge話，可唔可以帶我去買？」

Emily：「Of course! 咁你快D食埋個早餐，我同你去Walmart 啦！」



我：「咩係Walmart阿？」

Emily：「Walmart is a super market! 就好此香港ge 超級市場咁，其實佢係超級市場加百貨公司。終止佢咩都有得買，連電話卡都可以係個度買到」

所以我食埋個早餐，Emily 就叫左 Ubxr 車去Walmart

哇...間百貨公司真係好大，應該有十個香港D超級市場咁大....

本來見到呢到有咁多野買，我應該好興奮之係

但係我無....唔知點解我開始掛住Kristy，好想佢可以同我地一齊黎行超市

唔通我已經不知不覺咁愛上左佢？我決定親Kristy唔係度個時，問係Emily 佢ge過去

我：「Emily 阿， 我覺得Kristy 好似唔係好鍾意我咁？我到左美國到而家，佢都無同我講過十句野....」



Emily：「你係唔係鍾意左 Kristy？wow....」

我：「.....」

Emily：「唔講姐係啦！」

我：「我都係佢個室友姐，了解一下都好應該，費事我到時咩都唔知，講左D傷害到佢既說話未仲衰」

Emily：「咁又係...其實佢.....」