那一天，我再遇上了妳: 過去

Emily：「咁又係...其實佢.....」

我：「佢咩阿....」

Emily：「其實佢而家好怕再認識到男仔...You know? 佢成個天使咁，所以係間學校成日都比人話佢係女神，好多人追佢」

我：「咁唔係一件好事咩？」

Emily：「Of course not! 唔係個個女仔都想成為大家ge焦點，而Kristy, 就係個D女仔ge其中之一，佢只係想好平淡咁過每一日」



我：「咁都唔需要怕男仔姐....最多未唔理佢地，係唔係？」

Emily：「 You think everything too simple...佢其實三個月前都仲有個男朋友，不過而家分左手咋」

我：「咁唔鍾意就分手咯，係會有小小唔開心，咁係正常阿，唔洗講到要怕嘎窩」

到呢一刻我都覺得Kristy係自己搵野黎煩，唔鍾意未分手咯，其他人雖然想溝佢，咁佢都未必要用到個怕字掛

Emily：「個個男仔叫 Patrick...佢其實對Kristy好好...佢又有錢，又有車又高大....Kristy 係第一次拍拖，所以個個男仔都好體諒佢..好多野Kristy係Patrick班朋友面前講錯野做錯野，Patrick 都會好體諒佢...」



我：「咁點解佢地會分手...如果你講到佢咁好？我又唔覺得Kristy會做D背叛佢ge野...」

Emily：「Listen to me first!我都未講完...我最記得...有一次,  Kristy 考試考得好低分...所以佢whatsapp 左Patrick同佢講...Patrick個時原本係同班朋友睇緊戲...但係佢都無猶疑過...就咁就走左...佢買左Kristy最鍾意食ge Crème brûlée，之後渣車過去學校比佢食...哇...如果我有咁ge男朋友就好...」

我：「又真係幾Sweet...」

Emily：「But...But...but...」

講到呢到Emily 特然有D激動，塊面突然之間紅晒....



Emily：「Kristy 以為呢個男仔就係佢ge結婚對像...所以就比左佢ge第一次佢...」

我：「之後佢地搞大左？」

Emily：「How come you will know? 咁你都蠢唔曬...係無錯...差唔多係聖誕節個時佢搞大左Kristy 個肚...當Kristy第一次話比Patrick 知個時佢仲有講有笑...但係過左唔夠一個禮拜...佢就同Kristy 講話要分手..」

我：「咁未真係我成日係高登個度睇到ge “中出即飛”？？？」

Emily：「yes...Kristy原本仲想留住個Patrick...點知Patrick 就話屋企有事要番一番香港先......佢番到香港唔夠兩日個個Patrick 連Facebook，whatsapp 都block晒Kristy....」

我：「咁Kristy 最後點？？」

Emily：「What do you think? Kristy 一個人點養大一個小朋友阿...佢仲咁細....係我ge鼓勵下...佢好難先選擇 Abortion...」

我：「咩係Abortion 阿？」



Emily：「墮胎阿...」

哇...原來Kristy 經歷過咁多野...一開始我就唔應該咁睇佢..覺得佢怕男仔係多於...如果我係佢...分分鐘我已經變左同性戀

係呢段對話ge同時..原來Emily已經擺左好多野係家手推車到...

終於我地都買完野...我又買埋我ge Shampoo...

好快我地就去左比錢...Emily 仲教左我點去用Self-Check out 部機添

之後我地就翻左屋企...我又有時差...所以我就番左我間房到又訓左陣....