那一天，我再遇上了妳: 九龍塘

媽 ：「我地差唔多到屋企啦...仔起身啦！」 

原來我係架車到無意中訓左一陣，望一望，我都仲係坐左起架Bentley到

頭先...我並唔係發緊夢

仆街，但係我老母話我地差唔多到

不過....呢度未就係我以前翻個間「國際學校」附近？？！！



唔通.........我地屋企由青衣搬左去九龍塘？？！！

咁究竟我係住邊度呢？

住係又一居？定係畢架山峰？定係雲門？

之後過左無耐，我地就入左一個住宅區，門牌係 ....

「畢架山一號」



保安：「你好啊王生，翻黎啦？」

爸：「係啊，唔該晒！」

之後個保安就幫我地開左停車場對閘

老豆就拍左架車，之後我地就上左停車場部昇降機

爸：「十五樓A，到！」



屌...呢間屋肯定有我以前青衣住個單位大兩倍

個廳就已經有我以前成個單位咁大，差唔多有一千尺

之後個廳隔離就係有食飯廳，都有二百幾個尺

個食飯廳對住ge就係個開放式廚房，都有三百幾尺

係食飯廳隔離就係我間房

我間房對比我以前個間簡直就係兩個世界

我呢間房有張雙人床，之後有張大書台，仲有獨立沖涼房

個窗一望出去仲要見到成個九龍塘



所以當我見到我見房個時，都隱唔住「哇」左一聲

爸：「呢間就係你間房啦...仔你鐘唔鐘意啊？」

我：「老豆未玩我啦...點會唔鐘意...但係...點解...我地...可以又換車又換屋...」

爸：「我地出廳坐下啊！」

之後我就同我老豆出翻廳張大到無論ge沙發坐地

爸：「之前Daddy未去左美國好耐話要開會ge？」

我：「係啊」



爸：「其實老豆間公司之前有個機會，同香港最有錢個個人合作，份合同就係如果你老豆可以幫佢推銷到佢間公司D 產品係美國度賣到...佢就會比幾億你老豆同埋老豆間公司就會係佢旗下ge公司....」

我：「個個人...性李ge？？...」

爸：「真係聰明仔...你估得無錯...之後你老豆就好努力咁同D美國佬傾，又開會，又應酬...中間仲與到一個對手...但係好彩最後仲算成功...」

到呢一刻...我第一次覺得我老豆係我偶像

因為佢到呢個年紀都肯努力向上...其實佢可以求穩定...

但係為左我同我媽咪有好D的生活...佢夠膽再為我地博一次

等我幾個月前仲怪佢點解唔送我機

原來佢都係為左呢單可能佢人生最大ge生意而準備



諗到呢度，我都有小小眼濕濕

我：「多謝你老豆....」

爸：「傻ge...一家人啊嘛...洗咩講埋呢D野...係呢都夜啦...老豆聽日仲要返工....如果你肚餓你就叫外賣啦...台面有張卡....係屬於你ge...不過唔好亂咁洗錢啊」

我：「知道老豆...早抖」

原本我想叫Pizza Hut 因為我好似十幾個鐘頭未食過野咁

但係而家好似成個人已經行唔到咁，可能太攰

我確定都係Send 個短信比Kristy 話我翻到屋企同埋同佢講我而家好攰



聽日再搵佢，而家訓一個大覺先...順便比自己消化下屋企咁大ge改變