那一天，我再遇上了妳: 不習慣
你有找幸福的自由我未夠他得天獨厚我也想對我這塊鏡擲石頭....
邊個又咁早打黎啊，難得我有張大床可以訓翻覺好ge....
我：「邊位啊？？」
Kristy：「軒軒！！！」
我：「點啊Bb....做咩咁早打黎啊？」
Kristy：「咩早啊....你知唔知而家幾點啊！」
雖然我刪左個窗簾....但係仲見到出面有小小光，應該都係出緊太陽姐...
我：「應該都唔過十二點啦！」
Kristy：「咩啊...而家成四點幾啦窩....過多陣就黃昏天黑嘎啦...」
我：「咩話....」
之後我睇一睇自己手機...原來真係已經四點幾...
我：「係窩....真係四點幾啊...」
Kristy：「你講咩話？」
我：「我話真係四點幾啊...點解你個邊咁嘈ge？」
Kristy：「無啊...我同Emily而家已經係尖沙咀行緊街...其實我過幾個鐘頭前已經Whatsapp 過你嘎啦...但係見你無覆...知道你應該訓左...所以未想你訓多陣吖！」
我：「啊永你真係細心嘎姐.....」
之後我就聽到啊永比左個電話第二個人
Emily：「唔好講咁多廢話啦！...Come out and have dinner with us!」
我：「咁你地想係邊度食啊...」
Emily：「Urm...我地而家係海港城...Urm....Why not Element??」
我：「圓方？」
Emily：「係啊....Kristy 好唔好啊？」
Kristy：「好啊好啊好啊...我都想去食個見泰國野...」
其實我咁大個仔都係只係去過圓方一次咁多...個次係班會搞溜冰活動所以先去過圓方
連有咩食，有咩行其實我都唔知，不過佢地話想去就去啦
上次去個商場都好似無咩人，靜靜地食下野應該幾好ge
我：「咁幾點圓方見啊？？」
Emily：「Urm....六點係Element 間Louis Vuitton等？？」
我：「Okay 啊....咁等陣見啦...」
之後我就去左沖個熱水涼，沖完出黎睇一睇個鐘，都係五點二十分姐
由我屋企去都係三個站，都應該無問題唔會遲到啦
出到廳...見到啊媽坐係張沙發到睇近電視先知道仆街啦
唔記得左自己搬左屋，而家我住係九龍塘，要行過去又一城搭地鐵，再係旺角轉車去荔京
再到九龍站，咁樣最小都要坐四十五分鐘車，死啦今次一定遲到
睇黎今次都要Uber...我記得琴日老豆話台面張卡係比我ge
所以我就立即咁係張食飯台到那張信用卡
張個張卡資料打入個App 到去Replace 我美國張卡
就Request, 換件衫，同啊媽講聲我今晚唔係屋企食，之後落到樓下就已經見到架Uber 車等緊我
司機：「Chris？」
我：「嗯....」
之後我就上左車
司機：「請問你想去邊呢？」
係窩，衝衝忙忙咁落黎都唔記得張個Destination 打入個程式到添
我：「圓方啊唔該！」
之後我就坐左差唔多十幾分鐘就到左
我：「唔該晒！」
司機：「唔洗！」
我就落左車，入左個商場到
哇屌...個商場原來係咁大....我點知間Louis Vuitton 係邊啊？！
所以我決定問下個保安，之後佢就好好人咁帶我行到Louis Vuitton
望一望個鐘，呼...好彩....五點五十六分...好彩我無睇一次係香港同佢地出黎遲到姐
過左五分鐘，我就見到Kristy 同Emily 佢地
Kristy：「軒軒！！我地好耐無見啦！！」
之後佢就成個人攬左埋黎....
我：「啊永啊.....大庭廣眾啊....」
Kristy：「噢噢...對唔住啊！」
Emily：「 You guys didn't see each other only for two days....Geeezz!！」
Kristy：「好啦好啦...我地行去食野啦」
我就跟住佢地行，去到食個間泰國野度
呢度無咩人，所以都唔洗等位
坐低左，叫埋野食先發現佢地買左好多野....又有Chanel 袋，又有個BV 袋，又有個YSL 袋
我地叫大成台都係野，最後都食唔晒，都無打包
Kristy：「食得好飽啊...好好食啊!！」
Emily：「Me too....係呢？不如聽日去Kristy 你屋企咯？好耐都未黎過啦...」
Kristy：「好啊好啊....軒軒你都會黎嘎何？」
我：「好啊好啊」
侍應：「先生，中共九百八十蚊,要現金定係簽卡呢？」
我：「呢餐就等我比啦，簽卡啊唔該」
Kristy：「唔得！！」
Emily：「Nooo!」
不過我已經快過佢地比左張卡個侍應
屌，我而家先發現，原來我老豆比我個張係黑金卡....
以我所知....黑金卡裡面長期係要有一千萬先可以申請到....
唔掛知得個侍應見到我比呢張卡佢個時都望左我一望
比完卡，簽左個名，之後我地就各自搭Uber翻屋企
過左無耐，我架Uber比佢地快到，所以我就上左車先，同佢地講
我：「咁好啦，我地聽日間啦！拜拜阿永同Emily！！」
Kristy：「聽日一點係我屋企等阿！之後Whatsapp 比個地址你阿！！」
Emily：「Goodbye！！」
之後，我就翻到屋企....攤左係張床到
就黎訓著個時，就收到Kristy 個短信
Kristy：「呢個係我地址啊，聽日見啦，淺水灣道28號」