那一天，我再遇上了妳: 誇張

琴日佢地話一點鐘係佢屋企等，所以我就今日較左鬧鐘十一點起身

但係究竟點去淺水灣道28號呢？

咁大個仔都未去過淺水灣，只係知呢個地方係位於香港島

連南區，定係東區我都唔知

等我去Google Map 睇下邊去先



根據Google 指示，由我屋企去Kristy屋企到

要搭六號巴士，再搭地鐵到佐敦站

之後再搭81C， 成個過程都要一個鐘頭二十一分鐘

唉...係外國我都無搭咁耐車，無理由翻到香港先搭嘎

而家都十一點，我都仲未沖涼，又未換衫



搞得黎，都應該十一點半

唉...我都係驚遲...唯有...係搭Uber去啦....

貴就係貴左D....但係未左Kristy....都係值ge

於是我就大概十一點半個時出門口

見到啊媽係個廳個露台到種緊D花



同啊媽講聲我出街，Request Uber, 之後落去屋企平台上車

呢程比上次搭Uber 個程比較長，所以個司機都同我有傾有笑

搭左差唔多半個鐘，我就到左Kristy 屋企

哇...今次真係大禍

原本以為我搬左佢九龍塘個度已經夠大

不過，原來大極，都係Apartment

佢呢間，佢呢間...

​真係好誇張



係一間最小有兩層高ge別！墅！

又係半山，又係面對住海....

以前覺得Kristy 渣BMW 都已經好高調

點知原來，原來對佢黎講係意境好低調...

佢屋企仲有獨立車庫

以前讀國際學校同埋出左黎讀書

都未曾見過咁大間屋...



Emily：「軒...Why are you standing at the door?」

我：「哦...無啊無啊....係呢？你點黎嘎？？」

Emily：「Urm....其實我同Kristy住得好近！ So I just walked here!」

咩哇....我而家先知道...原來...我一係美國識....就識到兩個千金小姐....

真係三生有幸....

Emily：「Lets go in！」

之後入到大廳，我就見到Kristy係條樓梯到跑緊落黎

Kristy：「軒軒，Emily....你地咁遲嘎」



Emily：「咩啊...We are not late！！」

Kristy：「算啦算啦...等我介紹我身邊呢個人啦...佢就係Ling姐...係幫我屋企打掃ge...」

「而佢後邊呢個就係佢爸爸」

Kristy：「爸爸，爸爸...等我介紹...呢個係我男朋友啊軒!」

我：「Uncle 你好...」

Kristy 爸爸：「叫我 Uncle David 就得...係呢...Emily 啊...不如你同Kristy 係個廳到Plan 下你地今日有咩節目啊...Uncle  屋企前個排係出面整左個泳池...Kristy 應該有多一套泳衣，你地睇下出唔出去個泳池到啊！」

Emily：「好啊好啊！」



Kristy 爸爸：「啊軒...你介唔介意同我入一入黎書房，同我傾下計？」

Kristy：「DADDY!!!」

Kristy 爸爸：「放心，Daddy唔會食左你男朋友ge」

我：「好啊...」

其實我唔想嘎...不過佢都唔係真係問我啦....我點可以係呢個情況下拒絕啊

Kristy 爸爸：「咁你跟一跟我上黎二樓」